Supreme Court Ne Poochha, Kya Fiksd Kaaryakaal Ne CBI Cheef Ko Bana Diya 'Achhoot

Breaking »

Supreme Court Ne Poochha, Kya Fiksd Kaaryakaal Ne CBI Cheef Ko Bana Diya 'Achhoot

Dhananjaya mahaapaatr, nai Delhi CBI banaam CBI vivaad mein Supreme court ne guruvaar ko apna faisala surakshit rakh liya. Haalaanki court ki tippaniyon se aise sanket bhi mile ki sarvochch adaalat is maamale mein beech ka raasta de sakti hai yaani na to CBI director ko anushaasanaatmak kaarravaai se poori tarah chhoot degi aur na hi kendra ko CBI cheef ke 2 saal ke tayashuda kaaryakaal ke dauraan unke kaamkaaj mein dakhal ki chhoot degi. Padhein: CBI vivaad: Supreme court ne faisala surakshit rakha CBI director aalok varma aur NGO kauman kauj ki yaachika par cheef Justice ranjan gogoi, Justice S. Ke. Kaul aur Justice ke. M. Joseph ki bench ne faisala surakshit rakh liya. Donon hi yaachikaaon mein varma se sabhi adhikaar chheen liye jaane ke 23 October ke kendra sarkaar ke faisale ko chunauti di gayi hai. Apna faisala surakshit rakhane se pehle CJI ki aguaai waali bench ne kendra sarkaar, CVC aur varma ke saamane kai kathin savaal uthaae. CJI ne kendra sarkaar ki is daleel ki hava nikaal di ki varma aur asthaana ke jhagade ki vajah se use majaboor hokar kaarravaai karni padi. CJI ne kaha, '23 October ko jin haalaat mein yeh faisala liya gaya, vah koi raatonraat naheen bana tha balki pichhle 3 maheenon se ban raha tha. ' Supreme court ne yeh bhi savaal kiya ki kya CBI nideshak ko is tarah ka sanrakshan haasil hai ki 2 saal ke nishchit kaaryakaal ke dauraan na to kendra aur na hi CVC kisi kaarya ke liye unhein chhoo sakti hai. Varma aur NGO 'Kauman kauj' ki or se pesh varishth adhivktaaon fali Nariman aur dushyant dave ne daleel di ki na to kendra aur na hi kendreeya satarkata aayog (CVC) ke paas CBI director ke khilaaf anushaasanaatmak kaarravaai ki shakti hai. Donon adhivktaaon ne kaha ki agar CBI cheef 2 saal ke fiksd kaaryakaal ke dauraan koi aparaadh karte range haathon pakade bhi jaate hain to kendra sarkaar bina silekshan committee (PM, Loksabha mein vipaksh ke neta aur CJI shaamil) ki poorv anumati ke unke khilaaf koi kaarravaai naheen kar sakti. Is par CJI ranjan gogoi ne savaal kiya, 'Kya isse CBI director ek tarah se achhoot naheen ho jaaenge? Kya sansad ki mansha yeh thi? ' bench ne savaal kiya, 'Kya CBI director ka nishchit kaaryakaal sabhi niyamon se oopar hai aur unhein achhoot banaata hai? ' CJI ne kaha ki hamein isi ka faisala karna hai ki kya director sabhi tarah ki anushaasanaatmak kaarravaaiyon se oopar hain. Unhonne kaha ki sansad ne is tarah ki suraksha CVC ko di hai lekin aisi suraksha CBI director ko kyon naheen di gayi hai.

Supreme Court Ne Poochha, Kya Fiksd Kaaryakaal Ne CBI Cheef Ko Bana Diya 'Achhoot http://www.angrejinews.com/pic/239701