Supreme Court Ke Judgeon Ke Uthaae Savaal Behad Gambhir Congress

Breaking »

Supreme Court Ke Judgeon Ke Uthaae Savaal Behad Gambhir Congress

Nai Delhi Supreme court ke 4 judgeon dvaara press conference kar CJI ki kaaryapranaali par savaal uthaane par Congress ne kaha hai ki judgeon ke uthaae savaal behad gambhir hain aur un par dhyaan dene ki jaroorat hai. Iske saath hi Congress ne Justice loya ki maut ke maamale ki Supreme court ke varishth judge se jaanch ki maang ki. Padhein: CJI ke khilaaf SC ke 4 judge, gambhir aarop Congress adhyaksh Rahul Gandhi ne patrakaaron se kaha ki judgeon ne jo mudde uthaae hain, ve kaafi aham hain. Unhonne kaha ki aisi ghatna pehli baar hui hai. Judgeon ke savaal behad jaroori savaal hain, unhein dhyaan se dekha jaana chaahiye. Gandhi ne kaha, 'Unhonne (chaaro judgeon) Justice loya ji ki baat bhi uthaai hai. Iski uchch stareeya jaanch honi chaahiye. Supreme court ke varishth judge iski jaanch karein. ' Bata dein ki Supreme court ke 4 varishth judgeon ne press conference ke baad media ko us letar ki kaupi bhi di, jise unhonne kareeb 2 maheene pehle CJI ko likha tha. Letar mein judge brrujamohan loya ki maut maamale ka bhi jikr tha. CBI court ke special judge loya (48) ki December 2014 mein maut ho gayi thi. Vah CBI ke special court mein soharaabuddeen enakaauntar maamale ko dekh rahe the. Is haai profaail case mein BJP adhyaksh amit shaah samet Gujarat ke kai bade adhikaari naamajad the. Baad mein us maamale mein amit shaah bari ho gaye the. Justice loya ki maut ki jaanch ki maang ko lekar Supreme court mein bhi ek janahit yaachika daayar hui hai. Vakeel aneeta shinauya ne is silsile mein Supreme court mein janahit yaachika daayar ki hain. Sanyog se shukravaar ko unki janahit yaachika par sunavaai bhi thi. Supreme court ne Justice loya ki maut ki jaanch ki maang waali yaachika ki sunavaai karte hue Maharashtra sarkaar ko postmortem report saunpane ka aadesh diya hai. Is maamale mein sheersh adaalat mein somvaar ko agali sunavaai hogi. Bata dein ki angreji maigajeen 'The kairavaan' mein Justice loya ki maut par parivaar ke sandeh ko lekar ek vistrut report prakaashit hui thi. Is report ke baad desh ke kai hisson mein Justice loya ki maut par savaal uthane lage the.

Supreme Court Ke Judgeon Ke Uthaae Savaal Behad Gambhir Congress http://www.angrejinews.com/pic/188229