Superstar Tairaak Felps Ne Sannyaas Se Ki Vaapasi, Doosare Sthaan Se Kiya Santosh

Breaking »

Superstar Tairaak Felps Ne Sannyaas Se Ki Vaapasi, Doosare Sthaan Se Kiya Santosh

Mesa (America): olympic superstar tairaak Michael felps ko 20 maheene mein apne pehle final mein doosare sthaan se santosh karna pada, lekin is mahaan tairaak ne dikha diya ki vah sannyaas ke baad vaapasi karne ke liye kitne gambhir hain. felps ke naam 18 svarn sahit record 22 olympic padak hain. London olympic ke baad unhonne sannyaas ki ghoshana ki thi. Unhein mesa graan pre ki 100 mi bataraflaai spardha ke final mein puraane pratidvandvi reyaan lochate ne pachhaada. lochate ne 50 meter tak badhat banaai aur fir ise barkaraar rakhate hue 51.93 second mein pehla sthaan haasil kiya, yeh unka is saal ka doosra sabse tej samay hai. Felps 52.13 se doosare sthaan par rahe aur is tarah vaapasi ki, jo unhein 2016 Rio olympic tak pahuncha sakti hai. haalaanki unhonne kaha ki vah sunishchi naheen hai ki yeh vaapasi unhein 2016 mein Rio mein paanchavein olympic tak le ja sakti hai. Lekin unke saathi tairaak aur prashansak unhein vaapasi karte hue dekh kaafi khush hain. felps London olympic ke baad apni pehli race mein bhaag le rahe hain. Lekin unhonne haal mein 14 April ko ghoshana ki ki vah sannyaas se vaapasi kareinge, jiske baad is race ke saare tikt bik gaye. Felps ne kaha ki vah 52 second ke samay ka lakshya banaae hue the. Unhonne kaha, main jo karna chaahata tha, mainne vahi kiya. Race mein maja aaya. Main kaafi sahaj tha. Lekin main fir se final mein taira.

Superstar Tairaak Felps Ne Sannyaas Se Ki Vaapasi, Doosare Sthaan Se Kiya Santosh http://www.angrejinews.com/pic/48573