Superstar Rajnikant Ne Twitter Par Ki Dhamaakedaar Entri

Movies »

Superstar Rajnikant Ne Twitter Par Ki Dhamaakedaar Entri

Chennai: tamil filmon ke mahaanaayak Rajnikant ne somvaar ko micro-blauging website twitter se judkar social media manch par apni maujoodagi darj karaai. Rajnikant ne pehla tweet kiya, 'Ishvar ka aabhaar, sabhi logon logon ko abhivaadan. Mere prashansakon ka bahut-bahut dhanyavaad. Main apne digital safar ko lekar utsaahit hoon. ' (Salutation to the Lord. Vaṇaakkam aṉaaaivarukkum ! ! A big thank you to all my fans. Excited on this digital journey) duniyaabhar mein mashahoor 63 saal ke is mahaanaayak ko twitter par 'Suparastaararajani' (@SuperStarRajini) ke jariye follow kiya ja sakta hai. Unhonne kaha, 'Main social media par apne prashansakon se judkar khush hoon. ' Rajnikant ke twitter par aane ko lekar khushi jataane vaalon mein tamil filmon ke nirdeshak veinkat prabhu, neta MK alaagiri ke putr dayaanidhi aur dramuk vidhaayak J anbaajagan shaamil rahe. Rajnikant ki nai film 'Kochaadaiyaan' hai, jo pichhle shukravaar ko hi release hui hai, aur usaka nirdeshan unki beti saundarya ne kiya hai.

Superstar Rajnikant Ne Twitter Par Ki Dhamaakedaar Entri http://www.angrejinews.com/pic/49727