Subrat Roy Raheinge Jail Mein, Uchchatam Nyaayaalaya Ne Barkaraar Rakha Hiraasat Ka Aadesh

Business »

Subrat Roy Raheinge Jail Mein, Uchchatam Nyaayaalaya Ne Barkaraar Rakha Hiraasat Ka Aadesh

File photo File photo Nai Delhi: niveshakon ke 20 hajaar karod rupaye lautaane sambandhi sabhi aadeshon ko 'Vyavasthit tareeke se' najaraandaaj karne ke liye sahaara samooh ko fatkaar lagaate hue uchchatam nyaayaalaya ne mangalvaar ko iske pramukh subrat Roy ki swayam ko hiraasat mein rakhe jaane ke khilaaf daayar ki gayi yaachika khaarij kar di aur kaha ki unhein jail mein rakhana 'Vaidh' hai. sahaara pramukh ko hiraasat mein rakhane ke aadesh ko barkaraar rakhate hue nyaayaalaya ne samooh se kaha ki vah jamaanat lene ke liye 10 hajaar karod rupaye jama karaane ka naya prastaav taiyaar kare. nyaayamoorti KS Radhakrishnan aur nyaayamoorti JS khehar ki peeth ne nyaayaalaya ka aadesh na maanane aur 'Avajnyaaapoorn bartaav' karne ke liye Roy aur samooh ki kade shabdon mein ninda ki. sheersh adaalat ne kaha ki usane sahaara ki giraftaari ka kathor tareeka tabhi apnaaya jab samooh ko paisa lautaane ke liye 'Raaji karne' ke uske sabhi prayaas vifal ho gaye. Nyaayaadheesh khehar dvaara sunaae gaye faisale mein kaha gaya ki unke aadeshon ko Roy aur samooh ne 'Vyavasthit dhang se vifal' kiya aur tathyon se spasht hua ki usane uchchatam nyaayaalaya, uchch nyaayaalaya aur pratibhooti appeali nyaayaadhikran ke sabhi aadeshon ka ullanghan kiya. peeth ne Roy ke us daave ko darakinaar kar diya jismein unhonne kaha tha ki peeth ko sahaara ke maamale ki sunavaai se khud ko alag kar lena chaahiye aur is 65 varsheeya udyami ko jail bhejane mein uchit prakriya ka paalan naheen kiya gaya tha. sheersh adaalat ne kaha ki in tarkon mein koi dam naheen hai aur usane unki giraftaari ka aadesh dene se pehle 'Bina koi galati kiye' poori prakriya ka paalan kiya. peeth ne kaha, 'Hamaare liye yeh sveekaar karna sambhav naheen hai ki giraftaari ka aadesh jaari karne se pehle kaanooni prakriya ka paalan naheen kiya gaya. ' peeth ne kaha ki uske aadeshon ke saath 'Chhal karne' ki anumati naheen di ja sakti aur uske aadeshon ki avhelna kaanoon ke shaasan ki buniyaad par hamla hai.

Subrat Roy Raheinge Jail Mein, Uchchatam Nyaayaalaya Ne Barkaraar Rakha Hiraasat Ka Aadesh http://www.angrejinews.com/pic/49745