'Stebal Sarkaar Bani To Realty Sector Mein Laut Sakti Hai Jaan

Business »

'Stebal Sarkaar Bani To Realty Sector Mein Laut Sakti Hai Jaan

chunaavi nateejon se agar stebal sarkaar saamane aati hai to maang badhne par real estate divelapars ko prauparti ki keematein badhaane ki jaldabaaji naheen karni chaahiye kyonki neetigat faisalon ke chalte saplaai mein bhi sudhaar hone ki sambhaavana hai. Ikanaumik times ke Kailash baabar aur divya satyanaaraayan se baatcheet mein obarauya realty ke Chairman aur emadi vikaas obarauya ne yeh baat kahi. Unhonne kaha ki market mein inaveintari ke oonche leval se vah pareshaan naheen hain kyonki vah under-construction yoonits ko inaveintari naheen maanate hain. Pesh hain is baatcheet ke mukhya ansh: Mumbai mein pichhle 48 maheenon se inaveintari badhti ja rahi hai. Prauparti market kis or ja raha hai? Main under-construction prauparti ko inaveintari naheen maanata hoon. Ready tu moov prauparti hi inaveintari hai. Kisi bhi divelapar ke paas aisi koi prauparti avelabal naheen hai. Yeh bilkul saaf hai ki delivery mein deri ke kaaran inaveintari par dabaav hai. Aaj khareedaar isliye naheen aage aa raha hai ki prauparti mahangi hai, balki iski vajah yeh hai ki use delivery ko lekar bharosa naheen hai. Divelapars vibhinn kaaranon se vakt par dileevar karne mein asafal rahe hain. Agar is sector mein koi reguletar hota to aise haalaat na hote. Pichhle chhah se 12 maheenon mein keematon mein kaisa badlaav aaya hai? Kya divelapars ka riylaaijeshan badha hai? Agar aap infleshanari ikanaumi mein hon, agar saplaai ki baadhaaen hon, agar manjoori mein dikkatein hon, agar funding ke masale hon, agar aap par jyaada karj ho to ye sabhi cheejein aapko bilding banaane se rokati hain. Logon ki chaahatein bhi badhi hain. In sab vajahon se keematein chadhti hain. Iska faayda divelapars ko naheen mil saka hai kyonki ve byaaj de rahe hain, mahangaai se pareshaan hain aur atirikt laagat ka bojh utha rahe hain. In sab cheejon ko milaakar dekhein to keematein to naheen chadhi dikh rahi hain, lekin margin par chot padi hai. Agar aap mujhe do saal mein manjoori deinge to mujhe byaaj to dena hi hoga. Agar aap do maheene mein aprooval deinge to faayda khareedaar ke haathon mein bhi jaaega. Kya aapko lagta hai ki stebal sarkaar banane se realty market mein rivaaival hoga? Sthir sarkaar kai kaam kar sakti hai. Sabhi log stebal sarkaar ki ummeed kar rahe hain. Aisi sarkaar ka daayitv banta hai ki vah logon ko kam laagat mein ghar muhaiya karaae. Agar keematein kam karni hain to laagat mein bhi kami laani hogi. Agar aproovals mein deri ko khatm kar diya jaae to faayde kastamar ko diye jaaenge. Divelapars yeh karna chaahate honge. . Agar demand badhe to kya divelapar keematein badhaaenge ? Agar demand sudharati hai aur saplaai badhti hai to divelapars sasti keematon par bikri kar paisa banaaenge. Real estate divelapars ko market mein rivaaival hone par keematein badhaane ki jaldabaaji mein naheen padna cha hiye.

'Stebal Sarkaar Bani To Realty Sector Mein Laut Sakti Hai Jaan http://www.angrejinews.com/pic/50487