State PCS Ke Adhikaari IAS Baneinge To Hogi Hard Training

Breaking »

State PCS Ke Adhikaari IAS Baneinge To Hogi Hard Training

Nai Delhi Ab raajya seva aayog ke adhikaariyon ko jab aaiees mein promotion milega to unhein bhi nai aur badi jimmedaari lene se pehle nae aaiees adhikaariyon ki tarah hi vyaapak training program se gujarana hoga. Daraasal, kendra sarkaar promotion se aaiees adhikaari banane vaalon ke liye naya training program shuroo karne ja rahi hai, jo isi saal se prabhaavi ho jaaega. In adhikaariyon ko alag-alag raajyon aur parivesh mein vyaavahaarik jaankaari dene ke alaava kuchh hafton ke liye instityoot mein bhi training di jaaegi. Is dauraan unhein aaiees adhikaariyon se kis tarah ki apeksha hai aur unhein kin pairaameetar par kaam karna hai, is baare mein bataaya jaaega. Aaiees kaadar mein raajya prashaasanik seva ka ek tihaai hissa tay rahata hai, jismein inke adhikaari promote hokar aaiees bante hain. Inmein se adhikaansh ki posting jilon mein DM ke roop mein hoti hai. Inmein adhiktar ki umr 40-45 ke kareeb hi hoti hai. Pichhle dinon PM Narendra Modi ne jyaada umr mein DM banane ki pravrutti par chinta jataate hue yuva DM ki vakaalat ki thi. Saath hi promotion ke baad adhikaari ke liye ab yeh jaroori naheen ho sakta hai ki unhein vahi kaadar mile, jahaan ve bataur state adhikaari kaam kar rahe the. Agale saal se kaadar nirdhaaran ki nai vyavastha Sootron ke anusaar, agale saal se civil service egjaam mein safal students ke saamane ab kaadar chunane ke liye raajya ka naheen, balki jon ka vikalp hoga. Prastaavit badlaav ko agale saal se laagoo karne ka faisala kiya gaya hai. Iski aupachaarik adhisoochana bahut jald jaari ho jaaegi. Ab sarkaar un adhikaariyon ko us jon ke antargat kisi bhi raajya mein bhej sakti hai. Abhi poore desh ko milaakar in adhikaariyon ke liye 26 kaadar hain. Nai vyavastha ke tahat ise 5 jon mein baanta jaaega. Students ko yoopeeesasi egjaam ke dauraan interview se pehle apne pasandeed state ke alaava jon bhi bataane honge. Sarkaar ka tark hai ki all India service ke adhikaariyon ko ek hi raajya mein rahane se asal laabh naheen milta hai. Aise mein desh ke agal-alag hisson mein kaam karne se inka vijn vyaapak hoga aur jab ve neeti nirdhaarak ki sthiti mein honge to iska laabh utha paaenge. Service-kaadar mein badlaav ki pahal vaapas Modi sarkaar ne civil service pareeksha mein service aur kaadar chunane ke system mein bade badlaav ki pahal se pair peechhe kheench liye hain. Sootron ke anusaar, peeemao ke nirdesh par deeopeeti ne ab us pahal ko sthagit kar diya hai. Pehle peeemao ke nirdesh par isi saal se laagoo karne ki pahal ki gayi thi. Us prastaav ke tahat kaha gaya tha ki civil service egjaam mein safal students ko service ya kaadar ek saal ki training poora karne aur usamein mile ank ke aadhaar par milega. Is prastaav ke saamane aane ke baad bada raajaneetik vivaad hua tha aur ab sarkaar ne is vivaadit pahal par aage badhne se inkaar kar diya hai.

State PCS Ke Adhikaari IAS Baneinge To Hogi Hard Training http://www.angrejinews.com/pic/209634