Stan Cancer Ke Ilaaj Ke Naam Par Thage 90 Lakh

Breaking »

Stan Cancer Ke Ilaaj Ke Naam Par Thage 90 Lakh

Pramukh samvaadadaata, Noida Noida sector 36 mein rahane waali ek mahila ne stan Cancer ke ilaaj ke naam par kareeb 25 logon se 90 lakh rupaye thag liye. Aarop hai ki jab logon ne usase takaada karna shuroo kiya to vah makaan bechakar parivaar samet faraar ho gayi. Peediton ne mahila samet uske parijanon ke khilaaf thaana sector 39 mein shikaayat ki hai. Jaankaari ke mutaabik, sector-36 nivaasi mahesh Singh ne police mein di shikaayat mein kaha ki unke pados mein ek mahila apne parivaar ke saath rahati thi. Usane khud ko brest Cancer hone ki jaankaari dekar sector ki sabhi mahilaaon se ilaaj ke liye madad dene ki gujaarish ki. Usaki baaton mein aakar tamaam mahilaaon ne pichhle saalon mein ghar mein bina bataae use kareeb 90 lakh rupaye tak ilaaj ke liye de diye. Iske baad jab mahilaaon ne takaada shuroo kiya to mahila bahaanebaaji karne lagi. Baad mein takaade se bachane ke liye mahila 12 June ko apna makaan bechakar parivaar ke saath faraar ho gayi. Esaechao anil Kumar shaahi ne bataaya ki kareeb 25 peediton ki saamoohik shikaayat par aaropi mahila samet uske parijanon ke khilaaf case darj karke jaanch shuroo kar di gayi hai. Unhonne kaha ki jald hi aaropiyon ko daboch liya jaaega.

Stan Cancer Ke Ilaaj Ke Naam Par Thage 90 Lakh http://www.angrejinews.com/pic/217840