Staartaaps Mein Nivesh Karne Ki Taiyaari Kar Rahi Britaaniya Industries

Business »

Staartaaps Mein Nivesh Karne Ki Taiyaari Kar Rahi Britaaniya Industries

Ratna bhooshan, nai Delhi Desh ki badi food praudakts companiyon mein shaamil britaaniya industries vibhinn kaitigri aur platform par oparet kar rahi imarjing companiyon aur staartaaps mein investameint karne ke liye ek nai company bana sakti hai. Yeh yojana abhi shuruaati charan mein hai. Company ke mainejing director varun beri ne bataaya, 'Ham vibhinn kaitigri mein maujood staartaaps mein nivesh karne ke baare mein soch rahe hain. Is yojana ko antim roop diya ja raha hai. ' Britaaniya ki yeh company kaafi had tak kanjyoomar guds banaane waali Unilever veinchars aur mairiko ki staartaaps mein investameint karne waali farmon ke jaisi hogi. Unilever ne iske liye Unilever veinchars banaai hai, jo veinchar kaipitl aur private ikviti company hai. Mairiko inoveshan foundation ek skel-ap program ke jariye staartaaps mein nivesh karti hai. Pichhle do varshon mein badi kanjyoomar guds companiyon ki staartaap industry ko lekar dilchaspi badhi hai. Oral keyar segameint ki diggaj company kolaget paamoliv ne pichhle saal main grooming praudakt banaane waali the Bombay sheving company mein nivesh kiya tha. Pairaashoot heyar oil banaane waali mairiko ne 2017 mein ek anya main grooming brand, bardo mein hissedaari khareedi thi. Imaami ne bhi pichhle saal Ahmedabad ki ek staartaap company briler science mein stek liya tha. Yeh staartaap heyar aur skin keyar praudakt banaati hai aur sailoon mein inki bikri karti hai. Ainaalitiks aur teknaulaji farm traiksn ne ek report mein bataaya hai ki 2017 mein efaemaseeji staartaaps ko 240 karod rupaye ki funding mili thi. Beri ne kaha ki divaali ke baad unki company ko dheemi sales growth ka saamana karna pada tha. Haalaanki ab demand dobaara badh rahi hai aur is maheene ki shuruaat mein pesh hue antarim bajat mein kai ghoshanaaon ke chalte agali do timaahi mein graameen ilaakon mein khapat badhne ki sambhaavana hai. Unhonne bataaya, 'Chunaavi saal mein khapat badhne ke saath hi ham double dijit mein growth ki ummeed kar rahe hain. Mahangaai dar ke 5 parseint se neeche rahane ki ummeed hai, haalaanki yeh sarkaar ki neetiyon par nirbhar hai. ' December mein samaapt hui teesari timaahi mein britaaniya ka munaafa saalaana aadhaar par 14 parseint badhkar 300 karod rupaye par pahunch gaya. Company ki sales growth mein 7 parseint rahi hai. Yeh market ke ummeed se kuchh kam thi kyonki company pichhli teen timaahiyon se double dijit mein sales growth darj kar rahi thi. Haalaanki, agar pichhle teen saal ke ausat pradarshan ko dekha jaae to britaaniya ki growth Dabur (6.8%) aur echayooel (5.7%) jaisi raaival companiyon se adhik hai. Beri ne bataaya ki company ki yojana mein graameen kshetron mein vistaar karna, inoveshan mein teji laana, portfolio ko premium banaana aur bakery aur snaiking business ke antar ko kam karna shaamil hai.

Staartaaps Mein Nivesh Karne Ki Taiyaari Kar Rahi Britaaniya Industries http://www.angrejinews.com/pic/254209