Sri Lanka Par Jeet Ke Saath Hasi Ka Test Cricket Ko Alvida

Cricket »

Sri Lanka Par Jeet Ke Saath Hasi Ka Test Cricket Ko Alvida

Sydney: Mike hasi ne ravivaar ko Australia ko Sri Lanka par teesare aur antim test mein paanch wicket ki jeet dilaate hue test cricket ko alvida kaha aur saath hi mejabaan team ko teen maichon ki shrunkhala mein cleansweep karne mein bhi madad ki. Sydney cricket ground par hasi ne naabaad 27 run ki paari kheli, jisse Australia ne Sri Lanka ke 141 run ke lakshya ko paanch wicket ganvaakar haasil kar liya. Vijayi run banaane vaale Michelle Johnson ek run banaakar naabaad rahe. Antim din spin geindabaajon ko madad kar rahi pitch par baaen haath ke spinner rangana heraath ne 47 run dekar teen wicket chatakaae. Match mein saat wicket chatakaane vaale Australia ke tej geindabaaj Jackson bird ko main of the match, jabki kaptaan Michael Clark ko main of the series chuna gaya. Isse pehle Umpiron ne darshakon ko hairaani mein daal diya, jab unhonne us samay chai ka vishraam liya, jab Australia jeet se sirf paanch run door tha. Subah Sri Lanka ki team 278 run par all out ho gayi. Dinesh chaandeemal ne puchhalle ballebaajon ke saath khelte hue 106 geind mein 11 chaukon ki madad se naabaad 62 run banaae.

Sri Lanka Par Jeet Ke Saath Hasi Ka Test Cricket Ko Alvida http://www.angrejinews.com/pic/36