Spielberg Ki 'Lincoln Ko 12, 'Life Of Paai Ko 11 Oscar Naamaankan

Movies »

Spielberg Ki 'Lincoln Ko 12, 'Life Of Paai Ko 11 Oscar Naamaankan

Loss Angeles: Hollywood ke prasiddh nirdeshak steven Spielberg ki raajaneetik drama film 'Lincoln' 85vein academy puraskaaron (oscar puraskaar) ke liye 12 naamaankanon ke saath pehle sthaan par hai, jabki bhaarateeya pariprekshya mein bani aang li dvaara nirdeshit 'Life of paai' 11 naamaankanon ke saath doosare number par hai. Academy puraskaaron ke naamaankan ki ghoshana guruvaar ko ki gayi, jinmein 'Life of paai' sarvashreshth film aur sarvashreshth nirdeshak shreniyon mein bhi naamaankit hui hai. Udhar, sarvashreshth film ke liye is varsh pratiyogita bahut kadi hai, aur is shreni mein kul nau filmein naamaankit ki gayi hain. Sarvashreshth film ki daud mein ek royal Bengal tiger ke saath mahaasaagar mein gum ho gaye bhaarateeya bachche ki kahaani 'Life of paai' ke alaava steven Spielberg ki 'Lincoln' , ben Affleck ki 'Argo', Cathrine biglau ki 'Zero Dirk thirty' (aatankvaadi saragana Osama bin Laden par bani film), David O Russel ki haasya film 'Silver lining playbook', Tom Hooper ki musical 'Le miserable', Michael haanek ki 'Amor', Quentin Tarantino ki 'Jaingo unchained' aur ben jetalin ki 'Beast of southern wild' shaamil hain. 'Life of paai' mein mukhya bhoomika Delhi ke sooraj sharma ne nibhaai hai, aur uske alaava film mein Irfan Khan, tabboo aur aadil husain ne bhi kaam kiya hai. Isi film ke ek geet ke liye sangeetakaar Michael daana ke saath 'Original song' shreni mein bhaarateeya Karnataka sangeet gaayika Mumbai jayashri ko bhi naamaankit kiya gaya hai.

Spielberg Ki 'Lincoln Ko 12, 'Life Of Paai Ko 11 Oscar Naamaankan http://www.angrejinews.com/pic/244