Spectrum Ki Neelaami March Mein, CDMA Moolya Katauti Par Nirnaya Cabinet Karega

Business »

Spectrum Ki Neelaami March Mein, CDMA Moolya Katauti Par Nirnaya Cabinet Karega

Nai Delhi: Spectrum bikri ke liye doosare daur ki neelaami March mein shuroo hogi. Yeh neelaami mantrimandal dvaara 800 megahertz band mein aarakshit moolya ghataane ke nirnaya ke baad hogi. Is band ke spectrum ka upayog CDM aadhaarit mobile sevaaon ke liye hota hai. Mantriyon ke adhikaar praapt samooh (EGOM) ki baithak ke baad doorasanchaar mantri Kapil sibbal ne kaha, sabhi neelaami March mein hogi. CDMA neelaami ke baare mein unhonne kaha ki sabhi circleon mein 800 megahertz band ke liye boli aamantrit ki jaaegi. Is beech, sootron ne kaha ki EGOM ne CDMA spectrum moolya mein 30 se 50 pratishat katauti ka prastaav kiya hai aur is baare mein antim nirnaya mantrimandal karega. Sootr ne kaha, mantrimandal CDMA spectrum keemat ke baare mein nirnaya karega. Neelaami 11 March ko shuroo hogi. Sarkaar pichhle saal November mein hui CDMA spectrum ki neelaami karne mein vifal rahi. Uchch aarakshit moolya ke kaaran koi bhi iske liye boli lagaane aage naheen aaya. 1800 megahertz band mein GSM spectrum ke liye aarakshit moolya ke mukaabale, CDMA spectrum ka aarakshit moolya 1.3 guna adhik tha. Deshbhar ke liye 1800 megahertz band mein 5 megahertz spectrum hetu aarakshit moolya 14,000 karod rupaye rakha gaya tha. Pichhli neelaami mein sarkaar ko spectrum bikri se keval 9,407 karod rupaye praapt hue, jabki isse 28,000 karod rupaye ki aay ki ummeed ki ja rahi thi. Iska kaaran uchch aarakshit moolya tha. Uchchatam nyaayaalaya ne pichhle saal February mein 2ji spectrum aavantan maamale mein 122 license radd kar diye. Ismein sistemaal shyaam teleservices ko 21 circleon mein mila license tatha teen circleon mein tata teleservices ko mila license shaamil hai. In companiyon ke liye sambaddh circleon mein seva mein bane rahane ke liye spectrum lena jaroori hai. Is maamale mein unka license 18 January ko samaapt hoga, lekin uchch aarakshit moolya ke kaaran donon companiyon ne neelaami mein bhaag naheen liya.

Spectrum Ki Neelaami March Mein, CDMA Moolya Katauti Par Nirnaya Cabinet Karega http://www.angrejinews.com/pic/56