Sooryanelli Case 'Kuriyan Ke Khilaaf Dobaara Jaanch Ki Jaroorat Naheen

India »

Sooryanelli Case  'Kuriyan Ke Khilaaf Dobaara Jaanch Ki Jaroorat Naheen

Tiruvanantapuram: Kerala sarkaar ko kaanooni rai mili hai ki sooryanelli saamoohik balaatkaar maamale mein Rajyasabha ke upasabhaapati PJ kuriyan ke khilaaf fir se jaanch ka aadesh dene ki koi jaroorat naheen hai. Aadhikaarik sootron ne bataaya ki raajya lok abhiyojak dvaara saunpi gayi kaanooni rai report mein kaha gaya hai ki peedit keval unheen aaropon ko dohara rahi hai, jo unhonne pehle lagaae the. Peedit ne aisa koi aarop naheen lagaaya hai, jismein koi naya khulaasa hota ho aur kuriyan ke khilaaf fir jaanch karaane ki jaroorat padti ho. Report ke anusaar aisi koi bhi saamagri upalabdh naheen hai, jisse dobaara jaanch ki aavashyakta padti ho. Kerala sarkaar ne yeh kaanooni rai isliye maangi thi, kyonki peedit apne in aaropon par kaayam hai ki kuriyan un logon mein shaamil hain, jin logon ne 1996 mein kumaali atithigruh mein usase chhedchhaad ki thi.

Sooryanelli Case 'Kuriyan Ke Khilaaf Dobaara Jaanch Ki Jaroorat Naheen http://www.angrejinews.com/pic/1822