Sooryakumaar Ek Din Bhaarat Ke Liye Kheleinge Virendra Sehwag

Breaking »

Sooryakumaar Ek Din Bhaarat Ke Liye Kheleinge  Virendra Sehwag

Nai Delhi: Indian Premier league (IPL) ki kings eleven Punjab team ke salaami ballebaaj aur test star Virendra Sehwag ne kaha hai ki Kolkata night raairds team mein shaamil ballebaaj sooryakumaar Yadav kaafi pratibhaashaali hain aur vah ek na ek din Bhaarat ke liye jaroor kheleinge. website 'IPL-20 dot com' se Sehwag ne kaha, sooryakumaar pratibhaashaali hain. Mujhe unki shaili pasand hai. Agar vah apne khel par dhyaan jaari rakheinge to vah ghareloo aur peshevar cricket mein dheron run banaaenge. Isse unke Bhaarat ke liye khelna ki sambhaavana ko bal milega. Sehwag ne kaha ki vah kings eleven team ke tej geindabaaj sandeep sharma ki pratibha se bhi prabhaavit hain. Bakaul Sehwag, sandeep ki khaasiyat yeh hai ki vah geind ko swing karaana jaante hain aur geind ko ballebaaj se door le jaane ki kala mein maahir hain. kings eleven ke liye sandeep behad aham geindabaaj hain kyonki vah hamein shuruaati daur mein safalta dilaate hain. Ti-20 fauramet mein pehla aur doosra over kaafi aham hota hai aur agar in overon mein wicket mil gaya to fir vipakshi team par dabaav banaaya ja sakta hai.

Sooryakumaar Ek Din Bhaarat Ke Liye Kheleinge Virendra Sehwag http://www.angrejinews.com/pic/49969