Soniya, Rahul Se Milkar Atyant Bhaavuk Huaa Gang-rape Peedit Ka Parivaar

Breaking »

Soniya, Rahul Se Milkar Atyant Bhaavuk Huaa Gang-rape Peedit Ka Parivaar

Baliya: UPA adhyaksh soniya Gandhi aur Congress upaadhyaksh Rahul Gandhi se milkar Delhi gang-rape ki peedit ka parivaar atyant bhaavuk hai. Soniya Gandhi ne 'Bahaadur bitiya' ko athak prayaas ke baavajood na bacha paane par peedit parivaar se dukh jataaya tatha aashvast kiya ki unke rahate parivaar kisi baat ki chinta na kare. Unhonne peedit parivaar ko dvaaraka mein MIG flat aur jald nyaaya dilaane ka bharosa bhi dilaaya hai. Ladki ke bhaai ne Delhi se phone par bataaya ki UPA adhyaksh soniya Gandhi chauthi baar aspataal mein aur ek baar Singapore se shav aane par havaai adde par I theen. Unhonne bataaya ki is baar soniya ke saath Congress upaadhyaksh Rahul Gandhi bhi the, jo pehli baar peedit parivaar se mile. Congress pravakta Renuka chaudhari aur saansad mahaabal mishra bhi unke saath the. Bhaai ne bataaya ki soniya kareeb ek ghante tak parivaar ke saath raheen. Is dauraan unhonne adhikaansh samay unki maan se baatcheet ki. Is dauraan pita ke saath hi donon bhaai bhi maujood the. Unhonne 1983 mein baliya se Delhi aane ki unki kahaani suni aur unki bahan ke bachapan ke baare mein jaana tatha usaki physiotherapy ki pustakon ko bhi dekha. Unhonne bataaya ki soniya ne unki maan ko sambhaala tatha dhaadhas bandhaaya. Bhaai ke anusaar soniya ne kaha, chinta mat karo ham hain. Yah parivaar hamaara hai. Soniya ne parijanon ko bataaya ki adaalat mein aarop tay ho gaye hain. Bahut jald hi nyaaya hoga. Peedit ke bhaai ne bataaya ki parivaar ke logon ne soniya se gang-rape ke chhathe aaropi (naabaalig) ko saja dilaane ke baare mein bhi baatcheet ki. Unhonne parivaar ki baaton ko dhyaan se suna tatha bharosa dilaaya ki vah apne star par dekheingi ki kaanoon ke daayare mein rahakar kya kuchh kiya ja sakta hai. Soniya ne parivaar ke logon se kaha ki vah is maamale mein gambhir hain tatha is par najar rakhe hue hain.

Soniya, Rahul Se Milkar Atyant Bhaavuk Huaa Gang-rape Peedit Ka Parivaar http://www.angrejinews.com/pic/988