Soniya Gandhi Ne Svaasthya Kaaranon Se Tripura Daura Radd Kiya

Breaking »

Soniya Gandhi Ne Svaasthya Kaaranon Se Tripura Daura Radd Kiya

Agartala: Congress adhyaksh soniya Gandhi ne svaasthya kharaab hone ke kaaran apna tripura daura radd kar diya hai. Unhein ravivaar ko raajya mein do chunaavi sabhaaon ko sambodhit karna tha. Akhil bhaarateeya Congress samiti ke mahaasachiv luijino faleriyo ne bataaya ki 14 February ko hone vaale chunaav se pehle soniya ko Agartala aur kumaaraghaat mein janasabhaaon ko sambodhit karna tha, lekin unka svaasthya kharaab hone ke kaaran yah daura radd ho gaya hai. Isse pehle, pradhaanamantri Manmohan Singh ne bhi apni yaatra radd kar di thi. Unhein shanivaar ko ambaasa aur dhalaai jilon mein logon ko sambodhit karna tha. Tripura ke party prabhaari faleriyo ne bataaya ki Congress upaadhyaksh Rahul Gandhi somvaar ko party ummeedavaaron ke paksh mein prachaar ke liye raajya mein chaar janasabhaaon ko sambodhit kareinge. Rahul uttari tripura jile ke dharmanagar, khayarapur, sipaaheejaala jile ke sonamura aur dakshini tripura jile ke shaanteerabaajaar mein railiyon ko sambodhit kareinge. Faleriyo ne kaha ki vipakshi Congress 12 February ko ek janasabha karegi. Is rally ko Congress ke ek bade keindreeya neta sambodhit kareinge, lekin unka naam tay kiya jaana baaki hai.

Soniya Gandhi Ne Svaasthya Kaaranon Se Tripura Daura Radd Kiya http://www.angrejinews.com/pic/1577