Soniya Gandhi 14 May Ko Deingi Manmohan Singh Ko Vidaai Bhoj

Breaking »

Soniya Gandhi 14 May Ko Deingi Manmohan Singh Ko Vidaai Bhoj

File photo File photo Nai Delhi: pradhaanamantri Manmohan Singh ko Congress adhyaksh soniya Gandhi 14 May ko vidaai raatribhoj deingi. sootron ke anusaar Manmohan Singh ko ek smrutichihn diya ja sakta hai, jis par Congress kaaryasamiti ke sabhi sadasyon aur keindreeya mantriyon ke hastaakshar ho sakte hain. UPA adhyaksh soniya ki yeh raatribhoj Loksabha chunaav nateeje ghoshit hone se do din pehle ho rahi hai. Pradhaanamantri Loksabha chunaav ke nateeje ghoshit hone ke agale din 17 May ko apna pad chhod deinge. Unhonne is saal ki shuruaat mein hi agali baar is pad ki daud mein shaamil naheen hone ki ghoshana ki thi. Unhonne das saal tak UPA sarkaaron ki kamaan sambhaali. Apna pad chhodne se ek din pehle vah raashtra ke naam apna vidaai bhaashan dene vaale hain. Congress ke neta hamesha se pradhaanamantri aur soniya Gandhi ke beech ke sambandh ko aadarsh kaaryavibhaajan bataate rahe hain, jisse sarkaar aur party ke beech taalamel bana raha. Congress hamesha se kehti rahi hai ki party adhyaksh aur pradhaanamantri ke beech isse behtar sambandh naheen ho sakta hai aur vah in donon ke beech matabhed ki khabaron ko afavaah aur dushprachaar kehkar khaarij karti rahi hai.

Soniya Gandhi 14 May Ko Deingi Manmohan Singh Ko Vidaai Bhoj http://www.angrejinews.com/pic/50209