Snoopaget Supreme Court Ne Maamale Mein Gujarat High Court Mein Yaachika Daayar Karne Ka Sujhaav Diya

India »

Snoopaget  Supreme Court Ne Maamale Mein Gujarat High Court Mein Yaachika Daayar Karne Ka Sujhaav Diya

File photo File photo Nai Delhi: Supreme court ne Gujarat mein jaasoosi kaand ke kendra mein rahi mahila ko aaj sujhaav diya ki raajya sarkaar ki or se karaayi ja rahi jaanch ke khilaaf use raajya ke High Court mein yaachika daayar karni hogi. Isse pehle, kendra sarkaar ne court ko bataaya ki vah is masale par jaanch aayog gathit naheen kar raha hai. Justice ranjana prakaash Desai ki adhyakshata waali khandapeeth ne is mahila ki jaasoosi ke maamale ki kendra aur raajya sarkaar ki jaanch par rok lagaane ke liye pita-putri ki sanyukt yaachika par sunavaai ke dauraan yeh sujhaav diya. Aarop hai ki mukhyamantri Narendra Modi ke aadesh par Gujarat police ne paanch saal pehle is mahila ki jaasoosi ki thi. isse pehle, sauliseetar general mohan paraasaran ne court mein bayaan darj karaaya ki, 'Jaanch aayog ki niyukti ka koi prastaav naheen hai. ' court ne kaha ki kendra sarkaar ke is drushtikon ke maddenajar to yaachika mein ab kuchh bhi bachata naheen hai. yaachikaakartaaon ki or se varishth adhivakta Ranjit Kumar ne nyaayaadheeshon ke is drushtikon se sahamati vyakt ki ki Gujarat sarkaar ki or se jaanch aayog gathit karne ke maamale ko raajya ke High Court mein chunauti di ja sakti hai. Supreme court ne yaachikaakartaaon ko yaachika vaapas lene ki anumati dete hue spasht kiya ki vah is maamale ke gunadosh par koi tippani naheen kar raha hai. Lekin yaachika par sankshipt sunavaai ke dauraan nyaayaadheeshon ne kaha, 'Ek mahila ke roop mein usane jo kuchh bhi kaha use lekar ham kuchh chintit hain aur ham kisi anya pahaloo par gaur naheen karna chaahate. ' court chaahata tha ki raajya sarkaar bhi is masale par drushtikon spasht kare aur usane raajya ke atirikt mahaadhivakta tushaar Mehta se bayaan dene ke liye bhi kaha. Tushaar ne kaha ki unhein nirdesh lene ke liye kuchh vakt chaahiye jo sheersh adaalat ne unhein de diya.

Snoopaget Supreme Court Ne Maamale Mein Gujarat High Court Mein Yaachika Daayar Karne Ka Sujhaav Diya http://www.angrejinews.com/pic/50091