Snoopaget Sarkaar Ne Kaha, Jaanch Ke Liye Mataganana Se Pehle Kareinge Judge Ki Niyukti

Breaking »

Snoopaget  Sarkaar Ne Kaha, Jaanch Ke Liye Mataganana Se Pehle Kareinge Judge Ki Niyukti

Nai Delhi: keindreeya kaanoon mantri Kapil sibbal ne kaha hai ki UPA sarkaar 16 May se pehle Gujarat ke 'Snoopaget' (jaasoosi kaand) ki jaanch ke liye judge ka naam ghoshit karegi. sibbal ne BJP neta arun jetali ke us daave ko bhi khaarij kar diya, jismein unhonne kaha tha ki koi bhi judge Narendra Modi ko nishaana banaane ke liye 'Raajaneetik evam durbhaavanaapoorn' kaarravaai ke liye khud ko 'Aage' naheen karega. Sibbal ne saath hi kaha ki vivaad mein Modi ke khilaaf lage aaropon ki jaanch ki jaaegi. unhonne kaha, 16 May se pehle snoopaget maamale mein aapko ek nyaayaadheesh mil jaaega. Mujhe naheen pata ki ye log itne chintit kyon hain? Kyon BJP ke neta chintit hain aur ve kisi nyaayaadheesh ke is aayog mein na shaamil hone ko lekar kyon saarvajanik bayaanbaaji kar rahe hain? sibbal ne kaha ki BJP chintit hai, kyonki uske neta jaante hain ki ek baar aayog gathit ho gaya to Narendra Modi ke paas bachane ka koi raasta naheen hoga. Sibbal ne kaha, choonki unhonne (Modi) jo kiya hai aur jis tarah ek yuvati ki gatividhiyon ki jaasoosi karaai hai, uske dastaaveji saboot maujood hain, ve log kendra ke is aayog ko lekar chintit hain aur mujhe lagta hai ki unki chinta bani rahegi, kyonki aayog to gathit hoga hi, unki jaanch hogi aur unhein nyaaya ke kataghare mein khada kiya jaaega. kaanoon mantri ne saath hi Gujarat sarkaar dvaara gathit snoopaget jaanch samiti par bhi savaal uthaate hue kaha, yeh kabhi aage naheen badhega, kyonki iska gathan mukhyamantri (Modi) ne hi kiya hai, jinke khilaaf mukadama chalaane ki maang ki ja rahi hai. Unhonne kaha, yeh naanaavati aayog ki tarah hi kabhi bhi aage naheen badhega. 12 saal gujar gaye, hamein koi report naheen mili. Asal mein yahi Gujarat sarkaar ka track record hai, isliye hamein raajya sarkaar se koi ummeed naheen hai. gaurtalab hai ki guruvaar ko jetali ne ummeed jataai thi ki nyaayik garima ko dhyaan mein rakhate hue koi bhi nyaayaadheesh is 'Raajaneetik evam durbhaavanaapoorn' kaarravaai ke liye khud ko 'Aage' naheen karega.

Snoopaget Sarkaar Ne Kaha, Jaanch Ke Liye Mataganana Se Pehle Kareinge Judge Ki Niyukti http://www.angrejinews.com/pic/49345