Snoopaget Mahila Ne Supreme Court Mein Kaha, Nigraani Ke Liye Shukragujaar Hoon

Breaking »

Snoopaget  Mahila Ne Supreme Court Mein Kaha, Nigraani Ke Liye Shukragujaar Hoon

Nai Delhi: Gujarat ke bahucharchit 'Jaasooseekaand' mein us samay naya mod aa gaya, jab is prakaran ki keindrabindu bani mahila ne apne pita ke saath aaj Supreme court ki sharan li aur kendra tatha raajya sarkaar ko apne jaanch aayogon ko aage badhne se rokane ka anurodh kiya. Mahila ne aaj Supreme court se kaha ki vah shukragujaar hai ki Gujarat police usaki nigraani kar rahi thi. yaachikaakartaaon ki or se varishth adhivakta Ranjit Kumar ne court se kaha ki unke dvaara koi shikaayat darj naheen karaae jaane ke baavajood vibhinn vyakti alag alag kaaranon se unke adhikaaron ka atikraman kar rahe hain. Kumar ne pita putri ki or se kaha, 'Jab meri jaan ko khatra tha to us samay Gujarat sarkaar dvaara uthaae gaye suraksha upaayon se main santusht hoon aur 2009 mein jo kuchh bhi hua uske baare mein jab main shikaayat naheen kar rahi hoon, lekin meri aur mere parivaar ki chhavi ko thes pahunchaane ke liye kutsit abhiyaan chalaaya ja raha hai. ' yaachika mein unhonne Gujarat kaadar ke aaiees adhikaari pradeep sharma dvaara web portal dvaara saamane laae gaye apusht aur apramaanit anshon ke aadhaar par jaasoosi kaand ka masala uthaae jaane aur iski CBI jaanch ki maang par bhi aapatti ki hai. Ismein nijta ke maulik adhikaar aur garima ke saath jeene ke adhikaar ke sanrakshan ka bhi anurodh kiya gaya hai. Sheersh adaalat ne media se bhi aagrah kiya ki is maamale mein mahila ka naam saarvajanik naheen kiya jaae. Justice ranjana prakaash Desai aur Justice enavi raman ki khandapeeth ke samaksh pita putri ki sanyukt yaachika ka jikr kiya gaya. Khandapeeth ne kaha ki vah sambandhit pakshon ko sune bagair is maamale ki kaaryavaahi par rok lagaane ke liye koi antarim aadesh naheen de sakti hai. is sambandh mein court ne kendra aur Gujarat sarkaar ko notice jaari karke shukravaar tak unase javaab maanga hai. Is maamale mein ab shukravaar ko sunavaai hogi. ek samaachaar portal dvaara haal hi mein 2009 mein mahila aarkeetekt ki jaasoosi karaane ke baare mein Narendra Modi ke sahayogi amit shaah aur raajya police ke do pramukh adhikaariyon ke beech telephone par kathit baatcheet se sambandhit seedi jaari kiye jaane se yeh vivaad surkhiyon mein aaya tha. August aur September, 2009 ke dauraan kathit roop se hui is baatcheet mein spasht roop se Modi ke naam ka jikr naheen hai, lekin ismein 'Saahab' ka havaala diya gaya hai, jiske baare mein portal ka daava hai ki yeh Gujarat ke mukhyamantri ke liye hai jinke kehne par hi jaasoosi ki gayi thi, lekin shaah ne is aarop se inkaar kiya hai. is mahila aur uske pita ne yaachika mein samaachaar portal kobara post aur gulel dautakaum dvaara jaasoosi ke sambandh mein telephone baatcheet ki seedi jaari kiye jaane ke baad uthe vivaad ke baare mein khabarein prakaashit ya prasaarit karne se media ko rokane ka bhi anurodh kiya hai.

Snoopaget Mahila Ne Supreme Court Mein Kaha, Nigraani Ke Liye Shukragujaar Hoon http://www.angrejinews.com/pic/49766