Singar Harshita Ki Hatya Mein Saamane Aae Gaingastars Ke Naam

India »

Singar Harshita Ki Hatya Mein Saamane Aae Gaingastars Ke Naam

Enabeeti bureau, Panipat hariyaanvi gaayika va daansar harshita dahiya hatyaakaand mein Panipat police ki jaanch mein kuchh gaingastars ke naam saamane aae hain. Inmein Jitendra urf gogi Delhi ke Alipur gaanv ka hai. Vah 2009 se aparaadh ki duniya mein sakriya hai. Usane iski shuruaat 2009 mein car loot se ki thi. Iske baad Delhi mein constable ki hatya samet 4 logon ko goli maarkar maar daala. Ab gogi Delhi va Haryana ka naami gangster ban chuka hai. Police ne us par 2 lakh rupae ka inaam rakha hai. Use Panipat ki CIA 3 ne 3 March 2016 ko gaanv raakseda ke paas muthabhed mein pakada tha. Us vakt usaka doosra saathi jaranail bhaagane mein kaamayaab ho gaya tha. Delhi police yahaan se usako production remand par le gayi thi. Vah Delhi ki jail mein band tha. 30 July ko Delhi police usako jeend court mein peshi par lekar ja rahi thi. Bahaaduragadh ke sakhaul gaanv ke paas badmaashon ne police ki gaadi ko rukavaakar police ke javaanon ki aankhon mein mirch daalkar gogi ko chhudva liya tha. Us samay badmaashon ne police ki gan bhi chheen li thi. Jitendra urf gogi Delhi va Haryana mein apni gang chala raha hai. Doosra gangster Kuldeep fajja 5 saal pehle Jitendra urf gogi ke sampark mein aaya tha. Usane gogi ke kehne par kai logon ki goli maarkar hatya ki. Police ne us par 75 hajaar rupae ka inaam ghoshit kiya hai. Kuldeep ne kuchh time pehle aajaadapur mandi ke paas virodhi gang ke ek sadasya ki goli maarkar hatya kar di thi. Shooter Kuldeep urf fajja Delhi university se BSC paas out hai. College ke dinon mein hi vah kukhyaat badmaash jogeindr urf jogi ke sampark mein tha. Stadi hone ke baad vah jogeindr ke saath crime ki vaaradaatein karne laga. Vah virodhi giroh ke kai badmaashon par ab tak jaanleva ataik kar chuka hai. Isi saal January mein giroh ne bavaana ke ek kaarobaari se I-20 car looti thi. Fir 21 January ko aajaadapur sabji mandi ke paas virodhi giroh ke sadasya deepak urf raajoo ki goli maarkar hatya kar di thi. Kuldeep, jogindar va unke saathi jaranail ne is vaaradaat ko anjaam diya tha. Police ke haath abhi kuchh suraag aur lagne hain.

Singar Harshita Ki Hatya Mein Saamane Aae Gaingastars Ke Naam http://www.angrejinews.com/pic/175920