Shrunkhala Jeetna Hai Badi Upalabdhi Dhoni

Cricket »

Shrunkhala Jeetna Hai Badi Upalabdhi  Dhoni

Mohali: Bhaarateeya kaptaan Mahendra Singh Dhoni ne chauthe ekadivseeya match mein jeet ka shreya poori team ko dete hue kaha ki England ke khilaaf paanch maichon ki shrunkhala jeetna team ke liye badi upalabdhi hai. Bhaarat ne paanch wicket se jeet darj karke shrunkhala mein 3-1 ki Ajay badhat haasil ki. England ke khilaaf test aur Pakistan ke khilaaf one-day shrunkhala ganvaane ke baad Bhaarat ne visham paristhitiyon mein yeh shrunkhala apne naam ki. Dhoni ne match ke baad kaha, 'Kochchi ko chhodkar paristhitiyaan upamahaadveep jaisi naheen thi isliye shrunkhala jeetna achhi upalabdhi hai. ' unhonne kaha, 'Humne kul milaakar achha pradarshan kiya. Visheshakar nai geind se hamaara pradarshan achha raha. Humne unhein tej shuruaat naheen karne di. Hamaare nae geind ke donon geindabaaj (bhuvaneshvar prasaad aur shami Ahmad) nae hain aur samay ke saath unhein kaafi kuchh seekhane ko milega. ' Bhaarateeya geindabaaj death overon mein fir se run pravaah rokane mein naakaam rahe lekin Dhoni ne kaha ki chaar kshetrarakshakon ko hi 30 gaj ke ghere ke baahar rakhane ke nae niyam ke kaaran aisa hona laajimi hai. Unhonne kaha, 'Humne aakhiri das over mein 100 run lutaae lekin nae niyamon ke kaaran aisa hota rahega. ' Rohit sharma ne mauke ka faayda uthaaya aur salaami ballebaaj ke roop mein arddhashatak jamaaya. Dhoni ne unki prashansa ki. Unhonne kaha, 'Ham sabhi jaante hain ki rohit shaanadaar cricketer hai aur usane bahut achha pradarshan kiya. Usaka pul shot laajavaab hai aur arddhashatak poora karne ke baad usane bada score banaaya. '

Shrunkhala Jeetna Hai Badi Upalabdhi Dhoni http://www.angrejinews.com/pic/392