Shreenagar Ke Kuchh Ilaakon Mein Curfew Mein Dheel

India »

Shreenagar Ke Kuchh Ilaakon Mein Curfew Mein Dheel

Shreenagar: Shreenagar ke teen thaana kshetron mein aaj curfew mein dheel di gayi aur paanch anya thaana kshetron mein ise 'Anishchitkaal' ke liye hata liya gaya, jabki Kashmir ghaati ke baaki ilaakon mein lagaataar paanchave din bhi curfew jaari raha. Police ke ek pravakta ne kaha, shahar ke nigeen, laal baajaar aur jaakura thaana kshetron mein curfew mein dheel di gayi hai. Unhonne bataaya ki Ram munshi baag, kotheebaag, sadar, raajabaag aur sheragarahi thaanon mein 'Anishchitkaal' ke liye curfew hata liya gaya. Pravakta ne kaha, agar sthiti shaantipoorn rahi to in ilaakon mein rok naheen lagaai jaaegi. Adhikaariyon ne shaam in paanch thaana kshetron mein teen ghanton ke liye curfew mein dhilaai di, jiske dauraan koi apriya ghatna naheen hui . Haalaanki, ghaati ke baaki ilaake paanchavein din bhi curfew mein rahe. Sansad hamle ke doshi mohammad Afzal guru ko Delhi ke tihaad jail mein faansi diye jaane ke baad shanivaar se hi curfew laga diya gaya tha. Police pravakta ne bataaya ki ghaati mein kahi se bhi kisi apriya ghatna ki koi soochana naheen hai.

Shreenagar Ke Kuchh Ilaakon Mein Curfew Mein Dheel http://www.angrejinews.com/pic/1819