Shivsena Ka BJP Ko Saaf Sandesh, Jald Tay Ho PM Pad Ka Ummeedavaar

Breaking »

Shivsena Ka BJP Ko Saaf Sandesh, Jald Tay Ho PM Pad Ka Ummeedavaar

Mumbai: NDA ke sahayogi dal shivsena ne saaf shabdon mein kaha hai ki unhein 2014 mein hone vaale Loksabha chunaavon ke liye pradhaanamantri pad ke ummeedavaar ka naam jald tay karna hoga. Shivsena neta uddhav Thackeray ne yah baat apni party ke mukhapatr 'Saamana' mein diye apne interview mein kahi hai. Uddhav Thackeray ne kaha ki BJP ne jo galati raashtrapati chunaav ke dauraan ki thi, use fir na doharaae. Raashtrapati chunaav ke dauraan NDA ko koi ummeedavaar naheen mil raha tha, jisse gathabandhan ka majaak bana. Uddhav ne kaha ki pradhaanamantri pad ke liye baala saahab Thackeray ki pasand Sushma Swaraj theen, lekin agar BJP ke paas koi naam hai, to vah use saamane laae. Uddhav ke bayaan se saaf hai ki Modi ko unka samarthan haasil naheen hai. NDA ke ek aur ghatak dal JDU ka bhi Modi ki taraf yahi ravaiya hai. Haalaanki NDA ki sahayogi party akaali dal ne Narendra Modi ko pradhaanamantri pad ke liye uchit ummeedavaar bataaya hai.

Shivsena Ka BJP Ko Saaf Sandesh, Jald Tay Ho PM Pad Ka Ummeedavaar http://www.angrejinews.com/pic/649