Shivraaj Ke Gadh Mein Digvijya Ki Yaatra Ka Svaagat, Sadakon Par Bichhe Fool

Breaking »

Shivraaj Ke Gadh Mein Digvijya Ki Yaatra Ka Svaagat, Sadakon Par Bichhe Fool

Bhopal Madhya pradesh ke poorv mukhyamantri digvijya Singh ki narmada parikrama yaatra ka mukhyamantri shivraaj Singh ke chunaav kshetr budhani mein hua bhavya svaagat raajanaitik halakon mein charcha ka vishay bana hua hai. Ravivaar ko digvijya ka padayaatri jattha jab budhani panhucha, to logon ne sadak par fool bichha diye. Bhaari taadaad mein log unke svaagat ke liye jute. Digvijya ne 115 din pehle baramaan ghaat se patni amruta ke saath narmada parikrama shuroo ki thi. Gujarat hokar vaapas lautate hue digvijya teen din pehle shivraaj ke chunaav kshetr mein pahunche the. Agale chaar din vah shivraaj ke kshetr mein raheinge. Unka jattha somvaar ko shivraaj ke gaanv jait panhucha. Jaankaari ke mutaabik sthaaneeya logon ne vahaan bhi digvijya ka bhavya svaagat kiya. Digvijya ne 115 din pehle baramaan ghaat se patni amruta ke saath narmada parikrama shuroo ki thi. Digvijya ki padayaatra mein ravivaar ko Congress mahaasachiv aur madhya pradesh prabhaari deepak baabariya bhi shaamil hue. Digvijya ne saaf kiya hai ki March mein narmada parikrama poori hone ke baad vah pradesh ki raajaneeti mein sakriya honge. Poore pradesh ka daura kareinge. BJP ko satta se ukhaad feinkane ki muhim chalaaenge. Shivraaj ke kshetr mein digvijya ka svaagat isaliye bhi charcha ka vishay hai kyonki abhi kuchh din pehle hi shivraaj Singh digvijya ke gruhanagar raaghogadh chunaav prachaar ke liye gaye the. Tab vahaan danga ho gaya tha. Police ne laatheechaarj kiya tha. Aarop yeh bhi hai ki police ne goli bhi chalaai thi. Haalaanki paalika chunaav mein Congress pratyaashi bade antar se jeeta tha. 2003 ke vidhaanasabha chunaav mein khud shivraaj digvijya ke khilaaf chunaav lade the. Unhein bhi haar ka saamana karna pada tha. Filhaal apni yaatra ke jariye digvijya pradesh ki nabj tatol rahe hain. Aane vaale dinon mein is yaatra ka poora faayda milne ki unhein ummeed hai.

Shivraaj Ke Gadh Mein Digvijya Ki Yaatra Ka Svaagat, Sadakon Par Bichhe Fool http://www.angrejinews.com/pic/189571