Shinde, Chidambaram Ke Khilaaf Maamala Darj Karne Ka Nirdesh

India »

Shinde, Chidambaram Ke Khilaaf Maamala Darj Karne Ka Nirdesh

Hyderabad: Andhra pradesh mein ek adaalat ne somvaar ko telangaana mudde par dhokhaadhadi ke liye keindreeya gruh mantri susheel Kumar shinde aur keindreeya vitt mantri pi. Chidambaram ke khilaaf maamala darj karne ka police ko nirdesh diya. Rangaareddi jila adaalat ne LB nagar police thaane ko nirdesh diya ki donon mantriyon ke khilaaf maamala darj kiya jaae. Ek vakeel ne apni yaachika mein adaalat se shikaayat ki thi ki donon mantriyon ne pruthak raajya ke gathan ki apni ghoshana se peechhe hatkar telangaana ke logon ke saath dhokhaadhadi ki hai. Yaachikaakarta ne kaha ki gruh mantri shinde ne sarvadaleeya baithak ke baad 28 December ko vaada kiya tha ki ek maheene ke bheetar mudde ka hal nikaal liya jaaega. Isi tarah tatkaaleen gruh mantri Chidambaram ne nau December 2009 ko ghoshana ki thi ki telangaana raajya gathan ki prakriya shuroo ki jaaegi. Yaachikaakarta ne aarop lagaaya ki baad mein Chidambaram apni baat se palat gaye aur is tarah unhonne logon ke saath dhokha kiya.

Shinde, Chidambaram Ke Khilaaf Maamala Darj Karne Ka Nirdesh http://www.angrejinews.com/pic/460