Share Baajaaron Mein Teji, Sensex 51 Ank Oopar

Business »

Share Baajaaron Mein Teji, Sensex 51 Ank Oopar

Mumbai: Desh ke share baajaaron mein guruvaar ko teji ka rukh raha. Pramukh soochakaank Sensex 50.54 ankon ki teji ke saath 19,764.78 par aur Nifty 16.25 ankon ki teji ke saath 6,009.50 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 56.79 ankon ki teji ke saath 19,771.03 par khula aur 50.54 ankon ya 0.26 feesadi ki teji ke saath 19,764.78 par band hua. Din ke kaarobaar mein Sensex ne 19,786.30 ke oopari aur 19,693.29 ke nichle star ko chhuaa. Sensex ka 30 sheyaron mein se 14 mein teji darj ki gayi. Dr Reddy'S lab (2.35 feesadi), bhaarati Airtel (1.99 feesadi), ONGC (1.95 feesadi), RIL (1.51 feesadi) aur Infosys (1.24 feesadi) mein sarvaadhik teji rahi. Giraavat vaale sheyaron mein pramukh rahe tata power (1.39 feesadi), san pharma (1.09 feesadi), Maruti Suzuki (0.95 feesadi), hero Motocorp (0.87 feesadi) aur HDFC bank (0.74 feesadi). National stock exchange (NSE) ka 50 sheyaron par aadhaarit samvedi soochakaank Nifty 22.55 ankon ki teji ke saath 6,015.80 par khula aur 16.25 ankon ya 0.27 feesadi ki teji ke saath 6,009.50 par band hua. Din ke kaarobaar mein Nifty ne 6,017.00 ke oopari aur 5,986.55 ke nichle star ko chhuaa. BSE ke midcap aur smallcap soochakaankon mein bhi teji ka rukh raha. Midcap 55.85 ankon ki teji ke saath 7,293.85 par aur smallcap 69.58 ankon ki teji ke saath 7,589.41 par band hua. BSE ke 13 mein se 7 sectoron mein teji darj ki gayi. Tel evam gas (1.37 feesadi), praudyogiki (1.32 feesadi), soochana praudyogiki (1.10 feesadi), realty (1.09 feesadi)aur saarvajanik companiyaan (0.48 feesadi) mein sarvaadhak teji darj ki gayi. Giraavat vaale sectoron mein pramukh rahe tej khapat upabhokta vastuen (0.50 feesadi), upabhokta tikaaoo vastu(0.38 feesadi), poonjeegat vastu (0.38 feesadi), banking (0.09 feesadi) aur vaahan (0.09 feesadi). BSE mein kaarobaar ka rujhaan sakaaraatmak raha. Kul 1713 sheyaron mein teji aur 1263 mein giraavat darj ki gayi, jabki 125 sheyaron ke bhaav mein koi parivartan naheen hua.

Share Baajaaron Mein Teji, Sensex 51 Ank Oopar http://www.angrejinews.com/pic/75