Share Baajaaron Mein Giraavat, Sensex 76 Ank Neeche

Business »

Share Baajaaron Mein Giraavat, Sensex 76 Ank Neeche

Mumbai: Desh ke share baajaaron mein Budhvaar ko giraavat ka rukh raha. Pramukh soochakaank Sensex 75.93 ankon ki giraavat ke saath 19,666.59 par aur Nifty 30.20 ankon ki giraavat ke saath 5,971.50 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 27.69 ankon ki teji ke saath 19,770.21 par khula aur 75.93 ankon ki giraavat ke saath 19,666.59 par band hua. Dinbhar ke kaarobaar mein Sensex ne 19,824.06 ke oopari aur 19,627.16 ke nichle star ko chhuaa. Sensex ke 30 mein se 11 sheyaron mein teji aur 19 mein giraavat rahi. Tata motors (3.98 feesadi), Gale India (1.62 feesadi), SBI (1.13 feesadi), kol India (1.01 feesadi) aur san pharma (0.94 feesadi) mein sarvaadhik teji rahi. Sensex mein giraavat vaale sheyaron mein pramukh rahe bhel (2.69 feesadi), tata steel (2.54 feesadi), Bajaj auto (1.96 feesadi), ITC (1.93 feesadi) aur TCS (1.74 feesadi). National stock exchange (NSE) 50 sheyaron par aadhaarit samvedi soochakaank Nifty 4.50 ankon ki teji ke saath 6,006.20 par khula aur 30.20 ankon ki giraavat ke saath 5,971.50 par band hua. Nifty ne din bhar ke kaarobaar mein 6,020.10 ke oopari aur 5,958.45 ke nichle star ko chhuaa. BSE ke midcap aur smallcap soochakaankon mein bhi giraavat rahi. Midcap 34.88 ankon ki giraavat ke saath 7,301.23 par aur smallcap 18.82 ankon ki giraavat ke saath 7,615.98 par band hua. BSE ke 13 mein se chaar sectoron vaahan (0.74 feesadi), tel evam gas (0.50 feesadi), saarvajanik companiyaan (0.17 feesadi) aur svaasthya seva (0.04 feesadi) mein teji rahi. Giraavat vaale sectoron mein pramukh rahe tej khapat waali upabhokta vastu (1.26 feesadi), upabhokta tikaaoo vastu (1.21 feesadi), dhaatu (1.18 feesadi), poonjeegat vastu (1.01 feesadi) aur bijli (0.83 feesadi). BSE ke kaarobaar ka rujhaan nakaaraatmak raha. Kul 1395 sheyaron mein teji aur 1575 mein giraavat rahi, jabki 131 sheyaron ke bhaav mein badlaav naheen hua.

Share Baajaaron Mein Giraavat, Sensex 76 Ank Neeche http://www.angrejinews.com/pic/187