Share Baajaaron Mein Giraavat, Nifty 7 Saptaah Ke Nichle Star Par

Business »

Share Baajaaron Mein Giraavat, Nifty 7 Saptaah Ke Nichle Star Par

Mumbai: Desh ke share baajaaron mein lagaataar teesare saptaah giraavat darj ki gayi. Pramukh samvedi soochakaank Nifty saat saptaah ke nichle star tak pahunch gaya. Vaheen Sensex mein paanch kaarobaari diwas mein se teen din giraavat darj ki gayi. Mumbai stock exchange (BSE) ka 30 sheyaron par aadhaarit samvedi soochakaank Sensex mein is maah ab tak (15 February) 426.83 ankon ya 2.14 feesadi ki giraavat darj ki gayi. Is saal ab tak Sensex mein 41.44 ankon ya 0.21 feesadi ki teji rahi. Shukravaar ko samaapt saptaah mein Sensex 16.62 ankon ya 0.09 feesadi ki giraavat ke saath 19468.15 par band huaa. Isi tarah national stock exchange (NSE) ka 50 sheyaron par aadhaarit samvedi soochakaank Nifty 16.10 ankon ya 0.27 feesadi ki giraavat ke saath 5887.40 par band huaa. 27 December 2012 ke baad Nifty ka yah sabse nichla star hai. BSE ke midcap aur smaalakaip soochakaankon mein bhi giraavat rahi. Midcap mein 1.91 feesadi aur smaalakaip mein 3.73 feesadi ki giraavat rahi. Ullekhaneeya hai ki kredit rating agency Moody'S ke niveshak seva ne niveshakon ko chetaaya ki Bhaarat ka chaaloo khaata ghaata aur baahari rin badh raha hai. Isse niveshakon mein nakaaraatmak sandesh gaya aur shukravaar ko baajaar giraavat ke saath band hue.

Share Baajaaron Mein Giraavat, Nifty 7 Saptaah Ke Nichle Star Par http://www.angrejinews.com/pic/2085