Share Baajaar Timaahi Parinaamon Par Rahegi Niveshakon Ki Najar

Breaking »

Share Baajaar  Timaahi Parinaamon Par Rahegi Niveshakon Ki Najar

Mumbai: desh ke share baajaaron mein agale saptaah niveshakon ki nigaah companiyon dvaara pesh ki ja rahi pichhle vittavarsh ki aakhiri timaahi aur sampoorn kaarobaari varsh ke parinaamon par tiki rahegi. iske alaava niveshakon ki nigaah agale hafte desh bhar mein chal rahe aam chunaavon, videshi sansthaagat nivesh ke aankadon, vaishvik baajaaron ke rujhaanon, dollar ke mukaabale rupaye ki chaal aur tel moolya par bhi tiki rahegi. agale saptaah se niveshakon ki najar companiyon dvaara jaari kiye jaane vaale January-March 2014 timaahi aur 2013-14 kaarobaari varsh ke parinaamon ki ghoshana par bhi tiki rahegi. Niveshak parinaamon ke saath aane vaale aay ke anumaanon se nivesh ki rananeeti tay kareinge. Parinaam jaari karne ka daur May ke aakhiri tak chalega. somvaar ko kainara bank aur paintaloons, mangalvaar ko HDFC aur taaitan, Budhvaar ko Allahabad bank aur proktar end gainbal, guruvaar ko NDTV aur union bank aur shukravaar ko echati media aur aayashar motors apne parinaamon ki ghoshana kareingi. aam chunaav sambandhi gatividhi aur uske parinaam bhi aane vaale saptaah mein share baajaar ko prabhaavit kareinge. Loksabha chunaav ke liye matadaan 7 April ko shuroo ho chuka hai. Yeh 12 May ko samaapt hoga. Mataganana 16 May ko hogi. Maujooda Loksabha ka kaaryakaal 1 June ko samaapt hoga aur nai Loksabha ka gathan 31 May tak kar liya jaana hai. bhaarateeya reserve bank agali baar maudrik neeti sameeksha ghoshana teen June ko karega. Bank ne 1 April ki ghoshana mein pichhli daron ko yathaavat rakha tha. aane vaale dinon mein mausam vigyaan vibhaag dvaara monsoon satr mein baarish kam hone ki bhavishyavaani ka prabhaav bhi share baajaar par dekha ja sakta hai. Guruvaar ko Bhaarat mausam vigyaan vibhaag ne aagaami monsoon ke mausam (June-September) mein baarish kam hone ki bhavishyavaani ki hai. mausam kaaryaalaya ki bhavishyavaani ke mutaabik, maanasooni baarish paanch feesadi ki ghat-badh ki model truti ke saath 89 seinteemeetar ke deerghaavadhi ausat ke 95 feesadi rahane ka anumaan jataaya. monsoon ka desh ki arthavyavastha par vyaapak asar hota hai. Iske kamjor rahane se krushi prabhaavit ho sakti hai, mahangaai badh sakti hai aur isse arthavyavastha ke kai kshetr prabhaavit ho sakte hain.

Share Baajaar Timaahi Parinaamon Par Rahegi Niveshakon Ki Najar http://www.angrejinews.com/pic/49514