Share Baajaar Mein Giraavat Ka Silsila Jaari, Sensex 59 Ank Toota

Business »

Share Baajaar Mein Giraavat Ka Silsila Jaari, Sensex 59 Ank Toota

Mumbai: Mumbai share baajaar mein giraavat ka silsila guruvaar ko lagaataar paanchavein din jaari raha. Kamjor vaishvik rukh ke beech aarthik vruddhi dar neeche rahane ke anumaan se niveshakon ki dhaarana prabhaavit hui. 30 sheyaron vaala Sensex 59.40 ank ya 0.30 pratishat ke nuksaan se 19,580.32 ank par aa gaya. Pichhle paanch satron mein Sensex mein 366 ank ki giraavat I hai. Isi tarah, national stock exchange ka Nifty 20.40 ank ya 0.34 feesadi ke nuksaan se 5,938.80 ank par aa gaya. Ek samay yah 5,978.50 ank ke uchch star par pahunch gaya tha. Keindreeya saankhyiki sangathan (CSO) ke agrim anumaan ke anusaar chaaloo vittavarsh mein desh ki aarthik vruddhi dar paanch pratishat par rahane ka anumaan lagaaya gaya hai. Yah pichhle ek dashak mein vruddhi dar ka sabse nichla star hai. 2011-12 mein arthavyavastha 6.2 feesad ki dar se badhi thi. Brokeron ne kaha ki baajaar mein pichhle paanch satron se dabaav hai. Is baat ki aashanka jataai ja rahi hai ki bajat ghaate ko kam karne ke sarkaar ke prayaas shaayad safal naheen ho paaenge. Unhonne kaha ki Asiaee baajaaron mein giraavat aur Europe mein kamjor shuruaat se bhi yahaan dhaarana prabhaavit hui. NTPC ka share 2.72 feesadi ke nuksaan se 148.15 rupaye par aa gaya.

Share Baajaar Mein Giraavat Ka Silsila Jaari, Sensex 59 Ank Toota http://www.angrejinews.com/pic/1332