Share Baajaar Aam Bajat Par Rahegi Najar

Business »

Share Baajaar  Aam Bajat Par Rahegi Najar

Mumbai: Share baajaaron mein niveshakon ki najar agale saptaah vittamantri pi Chidambaram dvaara sansad mein vitt varsh 2013-14 ke liye pesh kiye jaane vaale aam bajat par hogi. Aam bajat maheene ki aakhiri taareekh 28 February 2013 ko pesh kiya jaaega. Bajat ke dauraan niveshakon ka dhyaan khaas taur se utpaad shulk, seva kar, aarthik sudhaar, vastu evam seva kar (jeeesati) ke kaaryaanvayan aur ameeron par vishesh kar ke praavadhaanon ke sambandh mein uthaae kadamon par rahega. Is dauraan yah bhi dekha jaaega ki sarkaar khaadya mahangaai par niyantran ke liye krushi utpaadan mein teji ke liye kya kadam uthaati hai? Vittamantri ne October 2012 mein vitteeya ghaate ko kam karne ke sankalp ke saath panchavarsheeya yojana ki ghoshana ki thi. Iske antargat March tak vitteeya ghaata sakal ghareloo utpaad (GDP) ka 5.3 feesadi, vitt varsh 2013-14 mein 4.8 feesadi aur varsh 2017 tak ise teen feesadi tak seemit rakhane ka lakshya rakha gaya hai. Sansad ke bajat satr ki shuruaat 21 February 2013 ko hogi aur 10 May ko iska samaapan hoga.

Share Baajaar Aam Bajat Par Rahegi Najar http://www.angrejinews.com/pic/2086