Shaayad Ab Bhi Test Cricket Khelne Ke Liye Fit Hoon Lakshman

Cricket »

Shaayad Ab Bhi Test Cricket Khelne Ke Liye Fit Hoon  Lakshman

Nai Delhi: VVS Lakshman ko antararaashtreeya cricket ko alvida kahe hue paanch maheene beet gaye, lekin is diggaj ballebaaj ka maanana hai ki vah ab bhi test praaroop mein khelne ke liye fit hain. Lakshman se jab unki praathamikta ke baare mein poochha gaya to unhonne kaha, shaayad safed kapadon mein khelna pasand karoonga. Bhaarateeya ballebaaj jab team ko lagaataar niraash kar rahe hain, tab Lakshman ke paas unke liye salaah hai. Is poorv bhaarateeya ballebaaj ne kaha, yeh sirf achhi shuruaat ko bade score mein badalne ka maamala hai. Jab bhi koi ballebaaj achhi shuruaat ko badi paari mein badalta hai aur anya ballebaaj uske saath khelte hain, to aap saamaanyat: Achha score bana lete hain. Aankade bhale hi Lakshman ke paksh mein naheen hon, lekin unhonne kaha ki 2011 mein vishwacup jeet ke baad bhaarateeya team ne seemit overon ke maichon mein utana kharaab pradarshan naheen kiya. Lakshman ne ek prachaar kaaryakram ke itar kaha, mujhe lagta hai ki in do maichon (Pakistan ke khilaaf maujooda shrunkhala ke) ke alaava ekadivseeya praaroop mein humne achha pradarshan kiya hai. Mujhe lagta hai ki vishwacup ke baad hamaara pradarshan theek raha aur ti-20 mein bhi ham achha khele. Lakshman ne kaha, ham ti-20 vishwacup ke knockout mein qualify naheen kar paae. Humne chaar match khele aur ek mein buri tarah haar gaye aur qualify naheen kar paae. Unhonne kaha, kul milaakar ti-20 aur ekadivseeya cricket mein humne achha pradarshan kiya. Pakistan ke haathon haar par Lakshman ne kaha, mujhe lagta hai ki in do maichon mein Pakistan ke geindabaajon ko shreya diya jaana chaahiye. Unke paas junaid, Irfan aur umar gul ke roop mein teen aakraamak tej geindabaaj hain. Unhonne kaha, mainne Kolkata mein match dekha aur junaid tatha Irfan ne chennai ki tarah hi toofaani geindabaaji ki. Isliye mujhe lagta hai ki Pakistani geindabaaji aakraman kaafi majaboot hai. Apne sannyaas ke baare mein Lakshman ne kaha, mainne Bhaarat ki or se achha pradarshan kiya. Ek samay aapko aage badhna hota hai aur mujhe lagta hai ki 16 saal khelne ke baad vah mere liye sahi samay tha.

Shaayad Ab Bhi Test Cricket Khelne Ke Liye Fit Hoon Lakshman http://www.angrejinews.com/pic/35