Shaah Ka Naidu Par Javaabi Hamla, Kaha-saakh Bachaane Ke Liye Nautanki Kar Rahe Hain

India »

Shaah Ka Naidu Par Javaabi Hamla, Kaha-saakh Bachaane Ke Liye Nautanki Kar Rahe Hain

Nai Delhi Andhra Pradesh ko vishesh darja dene ki maang ko lekar Delhi mein anashan karne vaale chandrabaaboo Naidu par BJP adhyaksh amitshaah ne teekha hamla karte hue kaha hai ki ve apni girti saakh bachaane ke liye nautanki kar rahe hain. Shaah ne daava kiya ki gharabaraahat mein Naidu ne us Congress se haath mila liya hai, jisne desh mein emarajeinsi lagaai aur Naidu ke sasur N. Ti. Raamaaraav ki sarkaar ko barkhaast kiya tha. Naidu ne naam likhe aath pej ke khule patra mein shaah ne kaha hai ki daraasal, ab Naidu samajh gaye hain ki janta ke beech unki raajaneetik saakh samaapt ho chuki hai isliye ve janta ko khush karne ke liye lok lubhaavan vaade kar rahe hain. Apni haar ki aashanka ki vajah se hi unhonne na sirf you turn liya hai balki apni asafalataaon se janta ka dhyaan bhatakaane ke liye BJP ke khilaaf dushprachaar shuroo kar diya hai. Shaah ka kehna hai ki yahi Naidu the, jinhonne NDA sarkaar ki or se ghoshit kiye gaye spaishal package ki janta ke beech saraahana ki thi lekin ab khud hi palat gaye hain. Is maamale mein Congress ko bhi nishaane par lete hue shaah ne likha hai ki agar Congress ki UPA sarkaar mein Andhra Pradesh ke logon ke prati ratti bhar bhi imaandaari hoti to yoopaei sarkaar Andhra Pradesh punargathan adhiniyam mein special kaitegari ka praavadhaan shaamil karti lekin usane aisa naheen kiya. Shaah ne daava kiya ki Modi sarkaar ne Andhra Pradesh ke vikaas ke liye har sambhav kaarya kiye hain. BJP adhyaksh ne kaha ki rel kanektiviti ko behtar banaane ke liye railway ki 50 hajaar karod rupaye ki pariyojanaaon ko manjoori di gayi hai, jin par kaarya chal raha hai. Shaah ne kaha ki Naidu ne janta ke bharose ko todne ka kaarya kiya hai aur ab unki bhram ki raajaneeti ka ant hone wala hai.

Shaah Ka Naidu Par Javaabi Hamla, Kaha-saakh Bachaane Ke Liye Nautanki Kar Rahe Hain http://www.angrejinews.com/pic/254154