Sensex Mein Maamooli Giraavat

Business »

Sensex Mein Maamooli Giraavat

Mumbai: Desh ke share baajaaron mein guruvaar ko maamooli giraavat darj ki gayi. Pramukh soochakaank Sensex 3.04 ankon ki giraavat ke saath 19,663.55 par aur Nifty 2.85 ankon ki giraavat ke saath 5,968.65 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 61.43 ankon ki teji ke saath 19,728.02 par khula aur 3.04 ankon yaani 0.02 feesadi ki giraavat ke saath 19,663.55 par band hua. Din ke kaarobaar mein Sensex ne 19,783.75 ke oopari aur 19,596.38 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 27.30 ankon ki teji ke saath 5,998.80 par khula aur 2.85 ankon yaani 0.05 feesadi ki giraavat ke saath 5,968.65 par band hua. Din ke kaarobaar mein Nifty ne 6,005.15 ke oopari aur 5,947.30 ke nichle star ko chhuaa. BSE ke midcap aur smallcap soochakaankon mein bhi giraavat darj ki gayi. Midcap 35.82 ankon ki giraavat ke saath 7,265.41 par aur smallcap 41.47 ankon ki giraavat ke saath 7,574.51 par band hua. BSE ke 13 mein se 5 sectoron banking (0.62 feesadi), tel evam gas (0.47 feesadi), saarvajanik companiyaan (0.32 feesadi), vaahan (0.31 feesadi) aur realty (0.04 feesadi) mein teji darj ki gayi.

Sensex Mein Maamooli Giraavat http://www.angrejinews.com/pic/273