Sensex Mein 650 Ankon Ka Uchhaal, 23,000 Ke Nae Shikhar Par Pahuncha

Breaking »

Sensex Mein 650 Ankon Ka Uchhaal, 23,000 Ke Nae Shikhar Par Pahuncha

Mumbai: ekjit pol se poorv share baajaaron mein aashcharyajanak roop se jordaar livaali ke chalte shukravaar ko Bombay stock exchange (BSE) ka samvedi soochakaank Sensex kareeb 650 ank uchhalakar 23,000 ke nae shikhar par pahunch gaya. Doosari or national stock exchange (NSE) ka samvedi soochakaank Nifty bhi lagbhag 200 ankon ki badhat se 6,870 par pahunch gaya. kaarobaar ke dauraan BSE Sensex ne 23,048.49 ka uchchatam star chhuaa aur aakhir mein 650.19 ankon (2.91 pratishat) ki badhat ke saath 22,994.23 par band hua. Udhar, NSE Nifty ne bhi kaarobaar ke dauraan 6,871.35 ka uchchatam star darj karaaya, lekin ant mein 198.95 ankon (2.98 pratishat) ki badhat ke saath 6,858.80 par band hua. yeh livaali ka daur aur soochakaankon mein uchhaal isliye aashcharyajanak rahe, kyonki pichhle kuchh dinon se baajaaron mein mandi ka daur dekha ja raha tha. daraasal, agale saptaah shukravaar ko hi Loksabha chunaav 2014 ke parinaam ghoshit hone vaale hain. Chunaav parinaamon ke intajaar mein BSE Sensex tatha NSE Nifty mein 25 April ko shikhar par pahunchane ke baad se lagbhag do feesadi ki giraavat aa chuki hai. isse pehle, dopahar 1: 22 baje BSE Sensex 533.83 ankon (2.39 pratishat) ki badhat ke saath 22,877.87 par kaarobaar kar raha tha, jabki usi samay NSE Nifty par bhi 162.20 ankon (2.44 pratishat) ki teji ke saath 6,822.05 ka aankada darj hua.

Sensex Mein 650 Ankon Ka Uchhaal, 23,000 Ke Nae Shikhar Par Pahuncha http://www.angrejinews.com/pic/50085