Sensex Mein 14 Ankon Ki Giraavat

Breaking »

Sensex Mein 14 Ankon Ki Giraavat

Mumbai: desh ke share baajaaron mein saptaah ke aakhiri kaarobaari din maamooli giraavat darj ki gayi. Pramukh soochakaank Sensex 13.91 ankon ki giraavat ke saath 22,403.89 par aur Nifty 1.60 ankon ki giraavat ke saath 6,694.80 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 75.79 ankon ki teji ke saath 22,493.59 par khula aur 13.91 ankon yaani 0.06 feesadi giraavat ke saath 22,403.89 par band hua. Dinbhar ke kaarobaar mein Sensex ne 22,575.62 ke oopari aur 22,386.95 ke nichle star ko chhuaa. national stock exchange (NSE) ka 50 sheyaron par aadhaarit samvedi soochakaank Nifty 13.55 ankon ki teji ke saath 6,709.95 par khula aur 1.60 ankon yaani 0.02 feesadi ki giraavat ke saath 6,694.80 par band hua. Dinbhar ke kaarobaar mein Nifty ne 6,737.65 ke oopari aur 6,689.50 ke nichle star ko chhuaa. BSE ke midcap soochakaank aur smallcap soochakaank mein haalaanki teji darj ki gayi. Midcap soochakaank 34.00 ankon ki teji ke saath 7,357.46 par aur smallcap soochakaank 42.94 ankon ki teji ke saath 7,532.81 par band hua. BSE ke 12 mein se chhah sectoron mein teji darj ki gayi. Soochana praudyogiki (1.09 feesadi), svaasthya seva (0.93 feesadi), praudyogiki (0.87 feesadi), upabhokta tikaaoo vastu (0.54 feesadi) aur realty (0.24 feesadi) mein sarvaadhik teji darj ki gayi.

Sensex Mein 14 Ankon Ki Giraavat http://www.angrejinews.com/pic/49343