Sensex Mein 114 Ankon Ki Giraavat

Business »

Sensex Mein 114 Ankon Ki Giraavat

Mumbai: Desh ke share baajaaron mein shukravaar ko giraavat ka rukh raha. Pramukh soochakaank Sensex 113.79 ankon ki giraavat ke saath 19,781.19 par aur Nifty 35.85 ankon ki giraavat ke saath 5,998.90 par band huaa. Mumbai stock exchange (BSE) ka 30 sheyaron par aadhaarit samvedi soochakaank Sensex 12.23 ankon ki teji ke saath 19,907.21 par khula aur 113.79 ankon yaani 0.57 feesadi ki giraavat ke saath 19,781.19 par band huaa. Din bhar ke kaarobaar mein Sensex ne 19,966.69 ke oopari aur 19,736.45 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 6.20 ankon ki teji ke saath 6,040.95 par khula aur 35.85 yaani 0.59 feesadi ki giraavat ke saath 5,998.90 par band huaa. Dinbhar ke kaarobaar mein Nifty ne 6,052.95 ke oopari aur 5,983.20 ke nichle star ko chhuaa. BSE ke midcap aur smallcap soochakaankon mein bhi giraavat darj ki gayi. Midcap soochakaank 3.38 ankon ki giraavat ke saath 6,967.50 par aur smallcap 17.59 ankon ki giraavat ke saath 7,056.48 par band huaa. BSE ke 13 sectoron mein se 5 sectoron mein teji darj ki gayi. Upabhokta tikaaoo vastu (1.77 feesadi), svaasthya seva (0.78 feesadi), tej khapat upabhokta vastuen (0.21 feesadi) aur tel evam gas (0.17 feesadi) aur bijli (0.06 feesadi) mein sarvaadhik teji darj ki gayi.

Sensex Mein 114 Ankon Ki Giraavat http://www.angrejinews.com/pic/825