Sensex Mein 110 Ankon Ki Giraavat, Nifty 21 Ank Toota

Business »

Sensex Mein 110 Ankon Ki Giraavat, Nifty 21 Ank Toota

Mumbai: Desh ke share baajaaron mein guruvaar ko giraavat ka rukh raha. Pramukh soochakaank Sensex 110.02 ankon ki giraavat ke saath 19,894.98 par aur Nifty 21.00 ankon ki giraavat ke saath 6,034.75 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 17.72 ankon ki giraavat ke saath 19,987.28 par khula aur 110.02 ankon yaani 0.55 feesadi ki giraavat ke saath 19,894.98 par band hua. Din ke kaarobaar mein Sensex ne 20,008.83 ke oopari aur 19,865.72 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 10.10 ankon ki giraavat ke saath 6,045.65 par khula aur 21.00 ankon yaani 0.35 feesadi ki giraavat ke saath 6,034.75 par band hua. Din ke kaarobaar mein Nifty ne 6058.05 ke upari aur 6025.15 ke nichle star ko chhuaa. BSE ke midcap soochakaank mein teji aur smallcap mein giraavat darj ki gayi. Midcap soochakaank 37.10 ankon ki teji ke saath 6,970.88 par aur smallcap 7.66 ankon ki giraavat ke saath 7,074.07 par band hua. BSE ke 13 sectoron mein se 6 sectoron mein teji darj ki gayi. Realty (1.38 feesadi), saarvajanik companiyaan (1.02 feesadi), upabhokta tikaaoo vastu (0.61 feesadi), tej khapat upabhokta vastuen (0.61 feesadi) aur bijli (0.46 feesadi) mein sarvaadhik teji darj ki gayi.

Sensex Mein 110 Ankon Ki Giraavat, Nifty 21 Ank Toota http://www.angrejinews.com/pic/711