Sensex 93 Ankon Ki Giraavat Ke Saath Band

Business »

Sensex 93 Ankon Ki Giraavat Ke Saath Band

Mumbai: Desh ke share baajaaron mein somvaar ko giraavat ka rukh raha. Pramukh soochakaank Sensex 92.66 ankon ki giraavat ke saath 19,691.42 par aur Nifty 27.75 ankon ki giraavat ke saath 5,988.40 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 36.48 ankon ki teji ke saath 19,820.56 par khula aur 92.66 ankon yaani 0.47 ki giraavat ke saath 19,691.42 par band hua. Din ke kaarobaar mein Sensex ne 19,856.43 ke oopari aur 19,654.46 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 26.00 ankon ki teji ke saath 6,042.15 par khula aur 27.75 ankon yaani 0.46 feesadi ki giraavat ke saath 5,988.40 par band hua. Din ke kaarobaar mein Nifty ne 6,042.15 ke oopari aur 5,977.15 ke nichle star ko chhuaa. BSE ke midcap aur smallcap soochakaankon mein teji ka rukh raha. Midcap 17.38 ankon ki teji ke saath 7,331.50 par aur smallcap 41.74 ankon ki teji ke saath 7,657.34 par band hua. BSE ke 13 mein se 7 sectoron mein teji darj ki gayi. Dhaatu (0.94 feesadi), svaasth seva (0.41 feesadi), vaahan (0.37 feesadi), tel evam gas (0.22 feesadi) aur soochana praudyogiki (0.20 feesadi) mein sarvaadhik teji darj ki gayi.

Sensex 93 Ankon Ki Giraavat Ke Saath Band http://www.angrejinews.com/pic/59