Sensex 56 Ankon Ki Giraavat Ke Saath Band

Business »

Sensex 56 Ankon Ki Giraavat Ke Saath Band

Mumbai: desh ke share baajaaron mein saptaah ke pehle kaarobaari din somvaar ko giraavat darj ki gayi. Pramukh soochakaank Sensex 56.46 ankon ki giraavat ke saath 22,631.61 par aur Nifty 21.50 ankon ki giraavat ke saath 6,761.25 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 29.52 ankon ki teji ke saath 22,717.59 par khula aur 56.46 ankon yaani 0.25 feesadi giraavat ke saath 22,631.61 par band hua. Dinbhar ke kaarobaar mein Sensex ne 22,721.36 ke oopari aur 22,597.19 ke nichle star ko chhuaa. national stock exchange (NSE) ka 50 sheyaron par aadhaarit samvedi soochakaank Nifty 4.20 ankon ki giraavat ke saath 6,778.55 par khula aur 21.50 ankon yaani 0.32 feesadi ki giraavat ke saath 6,761.25 par band hua. Dinbhar ke kaarobaar mein Nifty ne 6,786.25 ke oopari aur 6,750.30 ke nichle star ko chhuaa. BSE ke midcap soochakaank aur smallcap soochakaank mein haalaanki teji darj ki gayi. Midcap soochakaank 64.85 ankon ki teji ke saath 7,438.49 par aur smallcap soochakaank 19.94 ankon ki teji ke saath 7,617.28 par band hua. BSE ke 12 mein se paanch sectoron svaasthya sevaaen (1.65 feesadi), realty (0.57 feesadi), banking (0.36 feesadi), upabhokta tikaaoo vastuen (0.08 feesadi) aur bijli (0.03 feesadi) mein teji darj ki gayi. BSE ke poonjeegat vastuen (1.01 feesadi), vaahan (0.97 feesadi), dhaatu (0.53 feesadi), tej khapat upabhokta vastuen (0.42 feesadi) aur tel evam gas (0.25 feesadi) sectoron mein sarvaadhik giraavat rahi.

Sensex 56 Ankon Ki Giraavat Ke Saath Band http://www.angrejinews.com/pic/48899