Sensex 30 Ankon Ki Giraavat Ke Saath Band

Business »

Sensex 30 Ankon Ki Giraavat Ke Saath Band

Mumbai: Desh ke share baajaaron mein somvaar ko giraavat ka rukh raha. Pramukh soochakaank Sensex 30.00 ankon ki giraavat ke saath 19,751.19 par aur Nifty 11.65 ankon ki giraavat ke saath 5,987.25 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 79.78 ankon ki teji ke saath 19,860.97 par khula aur 30.00 ankon yaani 0.15 feesadi ki giraavat ke saath 19,751.19 par band hua. Din ke kaarobaar mein Sensex ne 19,902.60 ke oopari aur 19,728.21 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 26.30 ankon ki teji ke saath 6,025.20 par khula aur 11.65 yaani 0.19 feesadi ki giraavat ke saath 5,987.25 par khula. Din ke kaarobaar mein Nifty ne 6,038.50 ke oopari aur 5,981.25 ke nichle star ko chhuaa. BSE ke midcap aur smallcap soochakaankon mein bhi giraavat darj ki gayi. Midcap soochakaank 57.92 ankon ki giraavat ke saath 6,909.58 par aur smallcap 49.75 ankon ki giraavat ke saath 7,006.73 par band hua. BSE ke vaahan sector (0.47 feesadi) mein teji darj ki gayi.

Sensex 30 Ankon Ki Giraavat Ke Saath Band http://www.angrejinews.com/pic/1047