Sensex 20 Ankon Ki Teji Ke Saath Band

Breaking »

Sensex 20 Ankon Ki Teji Ke Saath Band

Mumbai: desh ke share baajaaron mein guruvaar ko teji darj ki gayi. Pramukh soochakaank Sensex 20.14 ankon ki teji ke saath 22,344.04 par aur Nifty 7.30 ankon ki teji ke saath 6,659.85 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 58.24 ankon ki teji ke saath 22,382.14 par khula aur 20.14 ankon yaani 0.09 feesadi teji ke saath 22,344.04 par band hua. Dinbhar ke kaarobaar mein Sensex ne 22,443.13 ke oopari aur 22,277.04 ke nichle star ko chhuaa. national stock exchange (NSE) ka 50 sheyaron par aadhaarit samvedi soochakaank Nifty 17.35 ankon ki teji ke saath 6,669.90 par khula aur 7.30 ankon ya 0.11 feesadi ki teji ke saath 6,659.85 par band hua. Dinbhar ke kaarobaar mein Nifty ne 6,688.40 ke oopari aur 6,638.55 ke nichle star ko chhuaa. BSE ke midcap soochakaank aur smallcap soochakaank mein mila jula rukh dekha gaya. Midcap soochakaank 12.10 ankon ki giraavat ke saath 7,347.98 par aur smallcap soochakaank 12.65 ankon ki teji ke saath 7,539.64 par band hua. BSE ke 12 mein se aath sectoron mein teji darj ki gayi. Upabhokta tikaaoo vastuen (1.30 feesadi), banking (0.74 feesadi), vaahan (0.58 feesadi), poonjeegat vastuen (0.39 feesadi) aur soochana praudyogiki (0.24 feesadi) mein sarvaadhik teji darj ki gayi. BSE ke chaar sectoron realty (0.92 feesadi), tej khapat upabhokta vastuen (0.80 feesadi), svaasthya sevaaen (0.32 feesadi) aur tel evam gas (0.21 feesadi) mein giraavat darj ki gayi.

Sensex 20 Ankon Ki Teji Ke Saath Band http://www.angrejinews.com/pic/49977