Sensex 188 Pauints Gira, Nifty 6782 Par Band

Business »

Sensex 188 Pauints Gira, Nifty 6782 Par Band

Mumbai desh ke share baajaaron mein shukravaar ko giraavat darj ki gayi. Pramukh soochakaank Sensex 188.47 ankon ki giraavat ke saath 22,688.07 par aur Nifty 58.05 ankon ki giraavat ke saath 6,782.75 par band hue. Bombay stock exchange ka 30 sheyaron par aadhaarit samvedi soochakaank Sensex 15.96 ankon ki teji ke saath 22,892.50 par khula aur 188.47 ankon yaani 0.82 feesadi ki giraavat ke saath 22,688.07 par band hua. Dinbhar ke kaarobaar mein Sensex ne 22,939.31 ke oopari aur 22,656.64 ke nichle star ko chhuaa. Naishanal stock exchange (NSE) ka 50 sheyaron par aadhaarit samvedi soochakaank Nifty 15.00 ankon ki teji ke saath 6,855.80 par khula aur 58.05 ankon yaani 0.85 feesadi ki giraavat ke saath 6,782.75 par band hua. Dinbhar ke kaarobaar mein Nifty ne 6,869.85 ke oopari aur 6,772.85 ke nichle star ko chhuaa. BSE ke midcap aur smallcap soochakaankon mein bhi giraavat darj ki gayi. Midcap 21.42 ankon ki giraavat ke saath 7,373.64 par aur smallcap 48.76 ankon ki giraavat ke saath 7,597.34 par band hua. BSE ke 12 mein se chaar sectoron reality (0.61 feesadi), svaasthya seva (0.46 feesadi), upabhokta tikaaoo vastu (0.44 feesadi), praudyogiki (0.12 feesadi) mein teji darj ki gayi.

Sensex 188 Pauints Gira, Nifty 6782 Par Band http://www.angrejinews.com/pic/48604