Sensex 180 Ankon Ki Teji Ke Saath Band

Business »

Sensex 180 Ankon Ki Teji Ke Saath Band

Mumbai: Desh ke share baajaaron mein shukravaar ko teji ka rukh raha. Pramukh soochakaank Sensex 179.75 ankon ki teji ke saath 20,103.53 par, aur Nifty 55.30 ankon ki teji ke saath 6,074.65 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 21.91 ankon ki teji ke saath 19,945.69 par khula aur 179.75 ankon yaani 0.90 feesadi ki teji ke saath 20,103.53 par band hua. Dinbhar ke kaarobaar mein Sensex ne 20,129.01 ke oopari aur 19,928.11 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 5.15 ankon ki teji ke saath 6,024.50 par khula aur 55.30 ankon yaani 0.92 feesadi ki teji ke saath 6,074.65 par band hua. Dinbhar ke kaarobaar mein Nifty ne 6,080.55 ke oopari aur 6,014.45 ke nichle star ko chhuaa. BSE ke midcap aur smallcap soochakaankon mein bhi teji darj ki gayi. Midcap soochakaank 125.55 ankon ki teji ke saath 6,974.23 par aur smallcap 72.87 ankon ki teji ke saath 7,142.71 par band hua. BSE ke sabhi 13 sectoron mein teji darj ki gayi. Realty (4.42 feesadi), vaahan (2.19 feesadi), upabhokta tikaaoo vastu (1.71), dhaatu (1.56 feesadi) aur svaasthya seva (1.50 feesadi) mein sarvaadhik teji darj ki gayi.

Sensex 180 Ankon Ki Teji Ke Saath Band http://www.angrejinews.com/pic/419