Sensex 175 Ank Gira, Nifty 10,200 Ank Se Neeche

Business »

Sensex 175 Ank Gira, Nifty 10,200 Ank Se Neeche

Mumbai, 13 December bhaasha audyogik utpaadan aur mudraasfeeti ke kharaab aankadon tatha Asiaee vikaas bank dvaara desh ki aarthik vruddhi ke anumaan ko ghataae jaane se aaj Sensex 175 ank girkar ek saptaah ke nichle star 33,053 ank par aa gaya. Nifty bhi 10,200 ank se neeche aa gaya. Niveshak ameriki Federal reserve ki do divseeya neetigat baithak ke parinaamon ki prateeksha mein saavadhaani barte hue hain. Is baithak ke parinaam aaj raaj aane vaale hain. Baajaar mein aaj utaar chadhaav bhara din raha. Mumbai share baajaar ka 30 sheyaron wala samvedi soochakaank Sensex antat: 174.95 ank yaani 0.53 pratishat girkar 33,053.04 ank par aa gaya. Yeh saat December ke baad ka nichla star hai. Sensex kal 227.80 ank gira tha. National stock exchange ka 50 sheyaron wala Nifty bhi 47.20 ank yaani 0.46 pratishat ludhkakar 10,200 ank se neeche 10,192.95 ank par band hua. Asiaee vikaas bank edeebi ne notabandi ke pratikool prabhaavon, maal evam seva kar ki chunautiyon tatha krushi ko mausam sambandhi jokhimon ka havaala dekar chaaloo via varsh ke liye desh ka aarthik vikaas poorvaanumaan saat pratishat se kam kar 6.7 pratishat kar diya hai. Kal jaari aankadon ke anusaar audyogik utpaadan vruddhi October mein teen maheenon ke nichle star 2.2 pratishat par aa gayi. November mein khudara mahangaai bhi 15 maheene ke uchchatam star 4.88 pratishat par pahunch gayi. Praarambhik aankadon ke anusaar, kal ghareloo sansthaagat niveshakon ne 853.67 karod rupaye ke share beche jabki videshi portfolio niveshakon ne 843.20 karod rupaye ke share khareede the. Bhaasha.

Sensex 175 Ank Gira, Nifty 10,200 Ank Se Neeche http://www.angrejinews.com/pic/183828