Sena Pramukh Niyukti Mudde Par Vichaar Karega Chunaav Aayog

Breaking »

Sena Pramukh Niyukti Mudde Par Vichaar Karega Chunaav Aayog

Nai Delhi: chunaav aayog ne shanivaar ko kaha ki vah agale hafte apne sheersh adhikaariyon ki baithak mein agale sena pramukh ki niyukti ke mudde par vichaar karega. ek varishth aayog adhikaari ne PTI ko bataaya, raksha mantraalaya ne hamse rai maangi hai aur yeh mudda vichaaraadheen hai. Abhi tak koi faisala naheen kiya gaya hai. Adhikaari ne kaha, yeh mudda abhi tak 'Poorn aayog' (mukhya chunaav aayukt aur do chunaav aayukt) ke agende mein pesh naheen kiya gaya hai. Unhonne kaha, baithak somvaar ya mangalvaar ko ho sakti hai, jismein is mudde par vichaar kiya jaaega. chunaav aayog 27 March ke apne aadesh ke aalok mein is mudde par vichaar karega, jismein kaha gaya tha ki jaari chunaav mein aur bhavishya ke chunaavon mein bhi sashastr balon se judi niyuktiyaan, padonnati, nividaaen, khareedaariyaan aadarsh chunaavi aachaar sanhita ke daayare mein naheen aati hain. BJP ne sena pramukh ki niyukti ki prakriya shuroo karne par aapatti jataai hai. Usaka kehna hai ki sarkaar is maamale me jaldabaaji kar rahi hai. Agale sena pramukh ki niyukti par BJP ke sakht virodh ke beech sarkaar ne yeh kehte hue is maamale mein chunaav aayog se rai maangi ki aayog se manjoori milne ke baad hi is par koi faisala kiya jaaega. raksha mantri AK Antony se jab agale sena pramukh ki niyukti ki sthiti par poochha gaya tha, to unhonne javaab diya tha, maamala chunaav aayog ke samaksh hai. Ham is mudde par koi antim faisala karne se pehle tamaam prakriyaaon par sakhti se amal karna chaahate hain. chunaav aayog ke 27 March ke aadesh ke baavajood sena pramukh ki niyukti ke mudde par aayog ki rai lene ke baabat mantraalaya ke uchch padasth sootron ne kaha ki aise maamale aham hain aur yeh mahasoos kiya gaya ki aage badhne se pehle sabhi sambandhit praadhikaaron se manjoori li jaani chaahiye. BJP iska virodh kar rahi hai aur usaki daleel hai ki ise agali sarkaar par chhod diya jaana chaahiye. sena upapramukh lieutenant general dalabeer Singh suhaag sena pramukh ke is sheersh par par niyukti ki hod mein sabse aage chal rahe hain. Maujooda sena pramukh general bikram Singh is saal 31 July ko avakaash grahan kareinge.

Sena Pramukh Niyukti Mudde Par Vichaar Karega Chunaav Aayog http://www.angrejinews.com/pic/49437