Sena Ka Raajaneetikran Ho Raha, Is Par Lagaam Lage Sena Pramukh

Breaking »

Sena Ka Raajaneetikran Ho Raha, Is Par Lagaam Lage Sena Pramukh

Nai Delhi Sena pramukh general bipin raavat ne Budhvaar ko nai Delhi ke ek kaaryakram mein bada bayaan diya. Unhonne kaha ki puraane dinon mein yeh niyam tha ki sainya balon mein mahila aur raajaneeti ko lekar kabhi charcha naheen hoti thi. Agar aage bhi aisa ho to desh ke lokatantr ke liye achha hoga. Raavat ne kaha ki aajkal hamein dekhne ko mil raha hai ki sainya balon ka raajaneetikran hua hai, lekin sena ko raajaneeti se door rakha jaana chaahiye. Sena pramukh ne kaha, 'Sena bahut hi dharmanirpeksh tareeke se kaam karti hai. Ham ek lokataantrik desh hain. Hamse raajaneeti mein hastakshep naheen karne ki ummeed ki jaati hai. Lekin desh ke sainya balon ka raajaneetikran hota raha hai. Agar desh ke surakshaabal raajaneeti se door rahein, to ve behtar kaam kareinge. ' Is baat ko aage badhaate hue raavat bole, 'Puraane jamaane mein sena mein ek niyam tha. Kabhi bhi sainikon ke beech mahilaaon aur raajaneeti ko lekar charcha naheen hoti thi. Samay gujarata gaya aur yeh niyam dhundhala padta gaya. Aaj bhi sena ko us niyam ke baare mein vichaarana chaahiye. Sena ko poori koshish karni chaahiye ki vah raajaneetik gatividhiyon se door rahe. ' Kai patrakaaron ne jab sena pramukh se baad mein is bayaan ka matlab poochha gaya to unhonne kaha ki yeh bilkul saaf bayaan tha. Unhonne aage is par kuchh bhi bolne se inkaar kar diya. Raavat ne isi kaaryakram mein ek aur baat kahi. Unhonne kaha ki Pakistan ke aatanki chunaav mein shaamil ho rahe hain. Hamaare yahaan ke aatanki bhi hinsa chhod chunaav ladein.

Sena Ka Raajaneetikran Ho Raha, Is Par Lagaam Lage Sena Pramukh http://www.angrejinews.com/pic/182917