Sehwag Ko Kabhi Raas Naheen I Kotla Ki Pitch

Cricket »

Sehwag Ko Kabhi Raas Naheen I Kotla Ki Pitch

Nai Delhi: 'Najafagadh ke navaab' Virendra Sehwag ko Pakistan ke khilaaf teesare one-day ke liye antim ekaadash mein shaamil naheen kiye jaane se Delhi ke darshak bhale hi niraash the, lekin hakeekat yeh hai ki yeh visfotak salaami ballebaaj apne ghareloo maidaan Ferozshah Kotla par kabhi achha pradarshan naheen kar paaya. Sehwag ne vishwacup 2011 mein jeet ke baad se 15 ekadivseeya maichon mein keval 513 run banaae hain. Inmein se 219 run unhonne ek paari mein (West Indies ke khilaaf Indore mein) mein banaae the. Is tarah se baaki 14 match mein vah keval 294 run hi bana paae. Pakistan ke khilaaf pichhle do match mein daaen haath ka yeh ballebaaj keval 35 run bana paaya, jiske kaaran unhein teesare match ki team se baahar kar diya gaya. Sehwag ki jagah Ajinkya rahaane ko antim ekaadash mein rakha gaya. Darshakon ko haalaanki team prabandhan ka yeh faisala pasand naheen aaya aur inmein se kuchh 'Veeroo-veeroo' ki aavaaj lagaate rahe. Lekin lagta hai ki team prabandhan ne Sehwag ko baahar karne ka faisala unke haaliya pradarshan ke alaava Kotla par unke record ko dekhkar bhi kiya. Sehwag ne Kotla par chhah one-day match khele hain, jinmein unhonne 24.00 ki ausat se keval 120 run banaae hain. Unka uchchatam score 42 run hai. Test maichon mein bhi Sehwag apne ghareloo maidaan par kabhi badi paari naheen khel paae hain. Unhonne yahaan teen test match ki paanch paariyon mein 201 run banaae hain, jismein unka uchchatam score 74 run hai.

Sehwag Ko Kabhi Raas Naheen I Kotla Ki Pitch http://www.angrejinews.com/pic/37