Sehat Mein Rojaana Ho Raha Hai Sudhaar Malaala

Breaking »

Sehat Mein Rojaana Ho Raha Hai Sudhaar  Malaala

London: Taalibaan ke hamle mein ghaayal hui Pakistani ladki malaala yoosufajai ne dimaag ke operation ke baad video ke maadhyam se jaari bayaan mein kaha hai ki usaki sehat mein sudhaar ho raha hai. Usane 'Doosari jindagi' ke liye sabhi ka shukriya kiya. 15 saal ki malaala ne kaha, 'Main rojaana behtar ho rahi hoon. Aaj aap dekh sakte hain ki main jinda hoon. ' usane kaha, 'Main bol sakti hoon, aapko dekh sakti hai. Main sabhi ko dekh sakti hoon. Yah logon ki duaaon ki vajah se mumkin huaa hai. ' Malaala ne kaha, 'Aapki duaaon ki vajah se khuda ne mujhe nai jindagi di hai. Main seva karna chaahati hoon. Main logon ki seva karna chaahati hain. Main chaahati hoon ki har ladki, har bachcha taaleem haasil kare. Isi maksad se humne 'Malaala fund' ka gathan kiya hai. ' Ladkiyon ki shiksha ki pairokaar malaala pichhle saal nau October ko taalibaan ke hamle mein ghaayal ho gayi thi. Pakistan mein ladkiyon ki shiksha ki jordaar pairavi karne waali malaala ko isi saptaah Nobel shaanti puraskaar ke liye naamaankit kiya gaya hai.

Sehat Mein Rojaana Ho Raha Hai Sudhaar Malaala http://www.angrejinews.com/pic/1091